Umhverfisvæn ásæturvörn - verkefni lokið
Fréttatilkynning verkefnisstjóra
Sprotafyrirtækið Hripa ehf. hefur með styrk frá Tækniþróunarsjóði þróað nýja ásæturvörn til notkunar í sjó án allra eiturefna og hefur efnið nú verið í prófunum s.l. 3 ár hér á landi og í Svíþjóð.
Ásætuvörnin er án allra eiturefna, sem geta skaðað umhverfi og lífverur í sjó, en mikil og vaxandi gagnrýni er á slíkt, t.a.m. varðandi notkun kopars í kvíanet í fiskeldi. Í samstarfi við Náttúrustofu Vestfjarða (Nave) og með aðstoð frá fyrirtækjunum Arctic Fish, Sjótækni og Egersund Ísland hafa Hripa og Nave gert prófanir með ásæturvörnina fyrir fiskeldisnet og á báta undanfarin tvö ár og eru niðurstöðurnar mjög jákvæðar. Mikill áhugi er á ásætuvörninni meðal eigenda skemmtibáta á Norðurlöndunum og sumarið 2022 verða prófanir gerðar á 40 bátum í Svíþjóð. Hripa hefur sótt um alþjóðlegt einkaleyfi fyrir ástæuvörninni og er nú einnig í gangi með umsókn um markaðsleyfi innan ESB.
HEITI VERKEFNIS Umhverfisvæn ásætuvörn
Verkefnisstjóri: Sigurður Halldór Árnason
Styrkþegi: Náttúrustofa Vestfjarða og Hripa ehf.
Tegund styrks: Sproti
Fjöldi styrkára: 2
Fjárhæð styrks: 20.000.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI
