2know School - verkefni lokið
Fréttatilkynning verkefnisstjórans.
Ávinningur nemenda er að þeir fá niðurstöður verkefna sinna strax auk þess sem það er auðvelt að endurtaka verkefni til að æfa sig enn frekar, hvort sem er í skólanum eða heima við.
Fyrirtækið Appia ehf. hefur nú gefið út hugbúnaðinn 2know
School en um er að ræða hugbúnað sem gefur kennurum færi á að útbúa rafræn
verkefni úr hefðbundnu námsefni sem nemendur leysa síðan með snjalltækjum.
Hugbúnaðurinn hefur verið í þróun undanfarin tvö ár með stuðningi
Tækniþróunarsjóðs og í samstarfi við íslenskt skólafólk.
Heiti verkefnis:
2know School
Verkefnisstjóri: Björn Gíslason, Appia ehf.
Tegund styrks: Frumherjastyrkur
Styrkár: 2014-2015
Fjárhæð styrks: 12,495 millj. kr. samtals
Tilvísunarnúmer Rannís: 142610-061
VERKEFNIÐ VAR STYRKT AF TÆKNIÞRÓUNARSJÓÐI.
Meginmarkmið hugbúnaðarins er að spara kennurum vinnu á sama
tíma og hann færir hluta námsins yfir í snjalltæki þar sem nemendur geta leyst
verkefni í skemmtilegu viðmóti. Ávinningur nemenda er að þeir fá niðurstöður
verkefna sinna strax auk þess sem það er auðvelt að endurtaka verkefni til að
æfa sig enn frekar, hvort sem er í skólanum eða heima við. Hægt er að nota
hugbúnaðinn með vel flestu námsefni og býður hann upp á fjölbreytta
notkunarmöguleika.
Fjölmargir íslenskir skólar hafa tekið hugbúnaðinn í notkun til reynslu og hefur hugbúnaðurinn sömuleiðis verið kynntur á erlendum sýningum. Nánari upplýsingar er hægt að finna á vefsíðunni http://www.2know.is/skoli
Afrakstur:
2know hugbúnaðurinn - vefhugbúnaður og 2 öpp.
