Datasmoothie - Markaðssókn á erlenda markaði – verkefni lokið
Fréttatilkynning verkefnisstjóra
Datasmoothie er hugbúnaður sem gerir fyrirtækjum kleift að setja fram niðurstöður markaðsrannsókna á gagnvirkan hátt á netinu.
Datasmoothie ehf. fékk markaðsstyrk um mitt ár 2018 til þess
að sækja á erlenda markaði með vöru sína Datasmoothie. Því verkefni er nú
lokið. Datasmoothie er hugbúnaður sem gerir fyrirtækjum kleift að setja fram
niðurstöður markaðsrannsókna á gagnvirkan hátt á netinu. Markmið Datasmoothie
er að einfalda alla umsýslu með markaðsrannsóknir og einfalda vinnu og
framsetningu þeirra til muna.
Verkefnið:
Markmið markaðsstyrksins var að afla nýrra viðskiptavina í Bretlandi og Bandaríkjunum fyrir Datasmoothie. Lagt var upp með að komast í samband við fyrirtæki sem myndu festa kaup á lausninni. Notast var við fjölmargar aðferðir svo sem markaðssetningu á netinu, sækja sérhæfðar ráðstefnur í Bretlandi og Bandaríkjunum og beinni sölu með hjálp sérhæfðra fyrirtækja.
Niðurstaða verkefnis:
Á tímabilinu áttu forsvarsmenn fyrirtækisins fundi og samtöl við fjölmörg fyrirtæki og skilaði herferðin sér í nýjum viðskiptavinum sem kaupa bæði leyfisgjöld fyrir hugbúnaðinn og sérforritun. Þá á fyrirtækið í viðræðum við stóra aðila í markaðsrannsóknageiranum um notkun á hugbúnaðinum sem ekki hefði komið til nema með aðstoð frá Tækniþróunarsjóði.
Um Datasmoothie:
Datasmoothie er hugbúnaðarfyrirtæki með starfsemi á Íslandi og í Englandi. Fyrirtækið var stofnað af Geir Freyssyni, Agnari Sigmarssyni og Birgi Hrafn Sigurðssyni.
Heiti verkefnis: Datasmoothie
- Markaðssókn á erlenda markaði
Verkefnisstjóri: Agnar Sigmarsson
Styrkþegi: Datasmoothie ehf.
Tegund styrks: Markaðsstyrkur
Fjöldi styrkára: 1
Fjárhæð styrks: 10 millj. kr. alls
VERKEFNIÐ VAR STYRKT AF TÆKNIÞRÓUNARSJÓÐI.
