Fórnarfóðring fyrir jarðhitaborholur - verkefni lokið
Fréttatilkynning verkefnisstjóra
Með fórnarfóðringunni væri hægt að auka líftíma borhola og spara íslenskum orkufyrirtækjum mikinn viðhaldskostnað og kostnað vegna gerðar nýrra borhola.
Undanfarin ár hefur verið aukinn áhugi á að bora dýpri
jarðhitaborholur til að afla meira orku sem þýðir hærra hitastig og hærri
þrýstingur og meira tærandi umhverfi. Þetta leiðir til aukinnar tæringaráraunar
og varmaþenslu og samdráttar sem getur leitt til brots á fóðringum. Markmið verkefnisins
var að leggja grunn að hönnun fórnarfóðringar sem getur varið stálfóðringarnar
í jarðhitaborholum gegn tæringu og álagi vegna varmaþensluáhrifa svo að styrkur
borholufóðringanna minnki ekki. Með fórnarfóðringunni væri hægt að auka líftíma
borhola og spara íslenskum orkufyrirtækjum mikinn viðhaldskostnað og kostnað
vegna gerðar nýrra borhola. Núverandi lausnir á markaði eru ekki hæfar til að
standast hátt hitastig og tærandi jarðhitaumhverfi jarðhitaborhola.
Heiti verkefnis: Fórnarfóðring
fyrir jarðhitaborholur
Verkefnisstjóri: Sigrún N. Karlsdóttir, Gerosion ehf.
Tegund styrks: Frumherjastyrkur
Styrkár: 2015-2016
Fjárhæð styrks: 14 millj. kr. alls
Tilvísunarnúmer Rannís: 152946061
VERKEFNIÐ VAR STYRKT AF TÆKNIÞRÓUNARSJÓÐI.
Hér fyrir neðan er greint frá árangri og helsta afrakstri verkefnisins:
- Uppsetning á tölvuvæddu varma og spennulíkani af
háhitaborholu með og án fórnarfóðringar
- Líkanagreining á áhrifum fórnarfóðringarinnar á
spennudreifingu, tognun og hitaálagi í fóðringum háhitaborhola vegna
spennuhækkana í borholufóðringum við kælingu og upphitun
- Tillögur af efnisvali fyrir alla hluta fórnarfóðringarinnar,
þ.e. fyrir innra tæringarþolið lag, miðju grunn styrktarlag, og ytra
hitaeinangrandi lag
- Prófanir á vænlegum hitaþolnum einangrandi efnum fyrir ytra
lag
- Greining á mögulegri hönnun á tengingum (múffum) og
festingum fyrir fórnarfóðringuna
- Undirbúningsvinna fyrir frumhönnun af fórnarfóðringu
Technical Reports:
Deliverable D1.1: Literature review - A compilation of
various solutions and related patents
Deliverable D2.1: Thermal Stress and Strain Modeling - Final
Technical Report
Deliverable D3.1: Material Selection - Final Technical
Report
Deliverable D4.1: Sacrificial Casing Connections and
Material Testing
Deliverable D5.1: Prelimanary Design of Sacrificial Casing
„Fórnarfóðring“
