Hönnun og þróun hálsþjálfa - verkefni lokið
Fréttatilkynning verkefnisstjóra
Afrakstur verkefnisins er m.a. forrit og skynjarar sem meta á hlutlægan hátt hreyfingar hálshryggjar og virkni vöðva í mismunandi fösum hreyfingar.
Hönnun og þróun hálsþjálfa snerist um þróun búnaðar til þess að meðhöndla hálshryggjaráverka sem nýtast myndi á öðru stigi þjálfunar eftir hálsmeiðsli eða álag. Lokið hefur verið við gerð frumtýpu ásamt forriti sem stýrir hreyfingum höfuðs og háls í lóðréttu hreyfiplani.
Heiti verkefnis: Hönnun og þróun hálsþjálfa
Verkefnisstjóri: Einar Einarsson, Kine ehf. – Hreyfistjórn ehf.
Tegund styrks: Frumherjastyrkur
Styrkár: 2 ár á tímabilinu 2011-2013
Fjárhæð styrks: 10 millj. kr. alls
Tilvísunarnúmer Rannís: 110415-061
VERKEFNIÐ VAR STYRKT AF TÆKNIÞRÓUNARSJÓÐI.
Einnig var í verkefninu þróunarvinna á þráðlausum þrýstinema sem nýtast myndi við slíka þjálfun og gefa niðurstöður um virkni vöðvavinnu þegar hann er notaður með yfirborðsvöðvariti. Forrit sem metur vöðvavirkni og þrýsting í mismunandi fösum hálshreyfinga hefur verið smíðað.
Styrkur verkefnisins var nýttur til að klára frumtýpu af hálsþjálfanum og við gerð viðskiptaáætlunar.
Til að skoða fýsileika verkefnisins var unnið í öflun viðskiptasambanda á erlendum markaði og einnig leitað eftir samstarfi við erlenda fagaðila á sviði endurhæfingar.
Niðurstöður benda til þess að þörf sé fyrir endurhæfingar og mælitæki á öðru stigi hálsþjálfunar.
Verkefninu verður haldið áfram með það að markmiði að stofna alþjóðlegt fyrirtæki á markaði í Skandinavíu og Mið-Austurlöndum innan árs.
Listi yfir afrakstur verkefnisins:
- Fullþróuð frumtýpa með stýrikerfi.
- Forrit og skynjarar sem meta á hlutlægan hátt hreyfingar hálshryggjar og virkni vöðva í mismunandi fösum hreyfingar.
- Markaðsskýrsla og viðskiptáætlun.
