KRUMMA-Flow, markaðssetning á framúrstefnulegri, íslenskri vörulínu - verkefni lokið
Fréttatilkynning verkefnisstjóra
Krumma tók þátt í tveimur vörusýningum í Þýskalandi á
styrktímanum auk þess sem Krumma var boðið að sýna KRUMMA-Flow á Kulturfest í Felleshus í Berlín.
Undanfarið ár hefur KRUMMA ehf unnið ötullega að markaðssetningu leiktækjalínunnar KRUMMA-Flow á erlendum mörkuðum. Þetta gerði félagið með góðum stuðningi Tækniþróunarsjóðs, en félagið hlaut styrk til markaðssetningar fyrir um ári.
Heiti verkefnis: KRUMMA-Flow, markaðssetning á framúrstefnulegri, íslenskri vörulínu
Verkefnisstjóri: Jenný Rut Hrafnsdóttir, Krumma ehf.
Tegund styrks: Markaðsstyrkur
Styrkár: 2014
Fjárhæð styrks: 10 millj. kr.
Tilvísunarnúmer Rannís: 142645-061
VERKEFNIÐ VAR STYRKT AF TÆKNIÞRÓUNARSJÓÐI.
Vörulínan hefur fengið frábærar viðtökur og þá sér í lagi á Norðurlöndum og í Þýskalandi. Íslenskt hraun og grjót er fyrirmynd KRUMMA-Flow-klifurtækjanna. Þessi form gefa ferskan andvara inn í vöruframboðið í Evrópu. Krumma tók þátt í tveimur vörusýningum í Þýskalandi á styrktímanum auk þess sem Krumma var boðið að sýna KRUMMA-Flow á Kulturfest í Felleshus í Berlín. Felleshus er menningarmiðstöð Norrænu sendiráðanna í Berlín en þar eru reglulega haldnar sýningar til að kynna norræna menningu og hönnun. Við hjá Krumma þökkum kærlega fyrir veittan stuðning!