Mæling þurrefnis í vökva - verkefni lokið
Fréttatilkynning verkefnisstjóra
Fyrirtækið Plan ehf. hefur þróað mælibúnað sem hægt er að nota í mjólkuriðnaði til að stýra framleiðslu. Búnaðurinn hjálpar framleiðendum að ná réttu þurrefnisinnihaldi og tryggja þannig rétt gæði og lágmarka sóun efnis og orku.
Fyrirtækið naut stuðnings
Tækniþróunarsjóðs við framkvæmd verkefnisins. Aðstaða til prófana var veitt hjá
MS Selfossi. Niðurstaðan var sú að með mælingum
á rafsvörunareiginleikum skyrs tókst að smíða reiknilíkan sem sýnir
þurrefnisinnihald skyrsins. Helsti ávinningur fyrir framleiðanda eins og MS er
að hafa upplýsingar á svipstundu og geta brugðist við breytingum í framleiðslunni,
í stað þess að taka sýni og bíða í nokkurn tíma eftir niðurstöðum.
Fyrirtækið Plan ehf hyggst á næstunni halda áfram vöruþróun og markaðssetja lausnina til fleiri framleiðenda.
HEITI VERKEFNIS: Mæling þurrefnis í vökva
Verkefnisstjóri: Ólafur Helgi Jónsson
Styrkþegi: Plan ehf.
Tegund styrks: Sproti
Fjöldi styrkára: 1
Fjárhæð styrks: 7.7 MILL. ISL kr. alls
