Markaðssetning As We Grow í Japan - verkefnislok
Fréttatilkynning verkefnisstjórans
Stuðningur Tækniþróunarsjóðs gerði As We Grow kleift að stíga sín fyrstu skref á japönskum markaði með hágæðafatnað sinn, sem byggir á sérstakri hönnun og að fötin “vaxi með barninu”.
Á árinu 2015 var íslenska hönnunarfyrirtækinu As We Grow úthlutað markaðsstyrk frá Tækniþróunarsjóði til að ráðast í markaðssókn á Japansmarkaði. Markmið fyrirtækisins var að ná fótfestu á markaði í Japan með hágæðafatnað sinn, sem byggir á sérstakri hönnun og að fötin “vaxi með barninu”. Lögð var áhersla á að byggja upp samband við dreifi- og söluaðila og leggja þannig í samvinnu við þá, grunninn að markaðssetningu As We Grow í Japan.
Heiti verkefnis: Markaðssetning
As We Grow í Japan
Verkefnisstjóri: Margrét (Gréta) Hlöðversdóttir, As We Grow ehf.
Tegund styrks: Markaðsstyrkur
Styrkár: 2015
Fjárhæð styrks: 10 millj. kr.
Tilvísunarnúmer Rannís: 153428-061
VERKEFNIÐ VAR STYRKT AF TÆKNIÞRÓUNARSJÓÐI.
Stuðningur Tækniþróunarsjóðs gerði As We Grow kleift að stíga sín fyrstu skref á japönskum markaði og ráðast í fjölbreytt markaðsverkefni sem fólst meðal annars í heimsóknum milli landa, þátttöku í sýningum, gerð markaðsrannsókna og eflingu innviða fyrirtækisins.
As We Grow tók þátt í fimm virtum vörusýningum á árinu. Samhliða því stundaði As We Grow samfellt sölu- og markaðsstarf ásamt japönskum dreifiaðila, en As We Grow vörur eru nú seldar í yfir 20 verslunum í Japan. Verkefnið leggur grunninn að áframhaldandi öflugri markaðssetningu As We Grow í Japan. Mikill áhugi er á Íslandi í Japan og við finnum strax að Hönnunarverðlaun Íslands 2016 sem fyrirtækið hlaut á dögunum skipta miklu máli í að byggja upp þekkingu á vörumerki AS WE GROW á þessum mikilvæga markaði.
Afrakstur:
- Undirritað
samkomulag við dreifiaðila í Japan
- Markaðs- og
kynningarefni fyrir sýningar í Japan
- Markaðsrannsóknir
og markhópagreining á japanska markaðinum
- Þátttaka í
sýningum í Japan
- Uppfærsla á
vefverslun
- Aðlögun
framleiðslu að japanska markaðnum
- As
We Grow vörur seldar í yfir 20 verslunum í Japan