mymxlog.com vefkerfi fyrir flugrekendur og flugvirkja - verkefnislok
Fréttatilkynning verkefnisstjóra
Afrakstur verkefnisins er fullkominn hugbúnaður sem flugrekstraraðilar út um allan heim geta notað miðlægt á netinu í gegnum vafra eða með snjalltæki til að fullnægja og framfylgja regluverki EASA.
Skyhook.is - vefkerfi fyrir flugrekendur og flugvirkja.
Markmið Skyhook ehf. með vefkerfinu er og hefur verið að mæta þörfum fyrirtækja með flugvirkja í vinnu, en þau þurfa að uppfylla ákveðnar kröfur er snerta skírteini, leyfi, þjálfun og reynslu flugvirkja ásamt viðhaldi viðkomandi atriða um allan heim.
Heiti verkefnis: mymxlog.com
vefkerfi fyrir flugrekendur og flugvirkja
Verkefnisstjóri: Gisli Haukur Þorvaldsson, Skyhook ehf.
Tegund styrks: Verkefnisstyrkur
Styrkár: 2013-2015
Fjárhæð styrks: 37,5 millj. kr. alls
Tilvísunarnúmer Rannís: 131812-061
VERKEFNIÐ VAR STYRKT
AF TÆKNIÞRÓUNARSJÓÐI.
Verkefnið fólst í því að þróa og koma á fót vefkerfinu svo hægt væri að mæta þeirri þróun sem Evrópska flugöryggisstofnunin innleiddi haustið 2008.
Afrakstur verkefnisins er fullkominn hugbúnaður sem flugrekstraraðilar út um allan heim geta notað miðlægt á netinu í gegnum vafra eða með snjalltæki til að fullnægja og framfylgja regluverki EASA.
Einfaldleiki hugbúnaðarins hefur aukið öryggi og eftirfylgni með þessum atriðum fyrir viðskiptavini okkar ásamt því að auka þekkingu á þeim.
Á seinustu þremur árum hafa Bluebird Cargo, SO Tech, Artic Maintenance, Atlantsflug og Flugfélagið Ernir tekið í notkun hugbúnaðinn, ásamt því að erlenda fyrirtæki Nordic Aviation Capital í Danmörk varð okkar fyrsti erlendi viðskiptavinur. Seinustu mánuði hafa svo staðið yfir viðræður við IBERIA airlines um innleiðingu á vefkerfinu fyrir flugvirkjana þeirra.
Afrakstur verkefnisins
- Hugbúnaður / Vefkerfi sniðið að þörfum flugrekstraraðila
- Hugbúnaður sem vinnur úr upplýsingum og býr til skýrslur
- Bakendi sem heldur utan um alla virkni hugbúnaðar ásamt
upplýsingum
- Þróunar- og viðskiptatengsl við fyrirtæki í sama iðnaði
- Einföldun á úrlausn á flóknum regluverksferlum evrópsku flugöryggisstofnunarinnar
- Smáforrit komið í notkun um allan heim
- Viðskipti við innlenda sem og erlenda flugrekstraraðila.
Greinar:
31.12.2014 - Are we halfway there?
27.2.2016 - Skrifa reynsluna í skýin
7.4.2016 - Focusing on the future
