Smíði, þróun og sala á mælitækjum og búnaði við mælingar í háhitaborholum - verkefni lokið
Fréttatilkynning verkefnisstjóra
Mælibúnaðurinn gerir rekstraraðilum háhitavirkjana kleift að nálgast nákvæmari upplýsingar um hita og þrýsting borhola á einfaldari, ódýrari og skilvirkari hátt en áður.
GIRO ehf. sérhæfir sig í smíði, þróun og sölu á mælitækjum
og búnaði sem notuð eru við mælingar í háhitaholum. Verkefnið, sem styrkt var
af Tækniþróunarsjóði, hefur nú gefið af sér nothæfan mælibúnað sem notaður er
við hita- og þrýstimælingar í háhitaborholum.
Heiti verkefnis: Smíði,
þróun og sala á mælitækjum og búnaði við mælingar í háhitaborholum
Verkefnisstjóri: Sölvi Oddsson, GIRO ehf.
Tegund styrks: Verkefnisstyrkur
Styrkár: 2014
Fjárhæð styrks: 12,5 millj. kr.
Tilvísunarnúmer Rannís: 142596-061
VERKEFNIÐ VAR STYRKT
AF TÆKNIÞRÓUNARSJÓÐI.
Mælibúnaðurinn mælir og geymir upplýsingar um hita og þrýsting borholunnar og sendir þær svo áfram í snjalltæki (s.s. snjallsíma eða spjaldtölvu). Þar birtast því niðurstöður mælingarinnar á myndrænu formi en þaðan eru þær svo sendar áfram í gagnagrunn. Rekstrarprófanir hafa verið gerðar á búnaðinum bæði í Hellisheiðarvirkjun og Kröfluvirkjun. Mælibúnaðurinn gerir rekstraraðilum háhitavirkjana kleift að nálgast nákvæmari upplýsingar um hita og þrýsting borhola á einfaldari, ódýrari og skilvirkari hátt en áður.
Afrakstur verkefnisins
- Frumgerð af hita- og þrýstimæli.
- Hugbúnaður sem vinnur úr upplýsingunum.
- Samantektarskýrslur.
- Aukinn skilningur og þekking á rekstri jarðhitavirkjana hjá
íslenskum orkufyrirtækjum.
