Þróun á vél- og stýribúnaði fyrir litlar vatnsaflsvirkjanir – verkefni lokið
Fréttatilkynning verkefnisstjóra
Markmiðið er að bjóða upp á búnað sem nýtir vatnsaflið eins vel og hægt er en er jafnframt einfaldur í notkun með einföldu notendaviðmóti ásamt því að rekstrarkostnaður og viðhald vélbúnaðar sé í lágmarki.
BMJ energy þróar og smíðar búnað fyrir litlar
vatnsaflsvirkjanir. Fyrirtækið hlaut styrk frá Tækniþróunarsjóði til frekari
þróunar á stýrikerfi sem og vélbúnaði fyrir slíkar virkjanir. Markmiðið er að
bjóða upp á búnað sem nýtir vatnsaflið eins vel og hægt er en er jafnframt
einfaldur í notkun með einföldu notendaviðmóti ásamt því að rekstrarkostnaður
og viðhald vélbúnaðar sé í lágmarki. BMJ energy hefur komið að uppsetningu
lítilla virkjana þar sem vatn er af skornum skammti og í sumum tilvikum má
segja að það skipti máli að nýta hvern einasta dropa. Nýting styrksins frá
Tækniþróunarsjóði var tvíþætt, annarsvegar í að bæta nýtni vélanna með betri
hugbúnaði sem að stýrir vélunum sem og bættum mælibúnaði til að stýra vélunum
útfrá. Hinn þátturinn var smíði á frumgerð af mótorstýrðum spíss sem notaður er
til að stýra vatnsflæði inn á túrbínuhjól. Með því að smíða spíssana eykst
hlutfall þess búnaðar sem BMJ energy framleiðir hérlendis fyrir vélarnar.
Heiti verkefnis: Þróun á vél- og stýribúnaði fyrir litlar vatnsaflsvirkjanir
Verkefnisstjóri: Bjarni Malmquist Jónsson
Styrkþegi: BMJ energy ehf.
Tegund styrks: Frumherjastyrkur
Fjöldi styrkára: 2
Fjárhæð styrks: 13,984 millj. kr. alls
VERKEFNIÐ VAR STYRKT AF TÆKNIÞRÓUNARSJÓÐI.
