Þróun vinnuumhverfis fyrir sýndarveruleika - verkefni lokið
Fréttatilkynning verkefnisstjóra
Breakroom er fyrsta vara sýndarveruleikafyrirtækisins MURE ehf.
Notandinn velur sér sýndarumhverfi, hvort sem það er strönd, fjalllendi eða grænir hagar, opnar síðan þau forrit sem hann notar í vinnunni, hvort sem það er Excel, Chrome eða PowerPoint.
Breakroom er fyrsta vara sýndarveruleikafyrirtækisins MURE
ehf. Breakroom gerir notendum sínum kleift að nota Windows-stýrikerfið innan
sýndarveruleika. Notandinn velur sér sýndarumhverfi, hvort sem það er strönd,
fjalllendi eða grænir hagar, opnar síðan þau forrit sem hann notar í vinnunni,
hvort sem það er Excel, Chrome eða PowerPoint. Allt sýndarumhverfið nýtist sem
skjápláss. Breakroom er sérlega hannað fyrir fólk sem vinnur í opnu vinnurými
og vill eiga möguleika á því að kúpla
sig úr stressandi skrifstofu og yfir í róandi umhverfi með fulla stjórn á öllu
í kringum sig.
Breakroom er til sölu á helstu efnisveitum fyrir
sýndarveruleikahugbúnað og eitt af fáum vörum á markaðnum sem hagnýtir
sýndarveruleikatæknina.
Aðrar vörur sem hagnýta sýndarveruleika og eru byggðar á
sömu tækni og Breakroom eru í þróun.
Afrakstur verkefnisins er hugbúnaðurinn Breakroom.
Heiti verkefnis: Þróun
vinnuumhverfis fyrir sýndarveruleika
Verkefnisstjóri: Anton Heiðar Þórólfsson, MURE
Styrkþegi: MURE ehf.
Tegund styrks: Verkefnisstyrkur
Styrkár: 2017-2017
Fjárhæð styrks: 45 millj. kr. alls
Tilvísunarnúmer Rannís: 153524
VERKEFNIÐ VAR STYRKT AF TÆKNIÞRÓUNARSJÓÐI.
