Uppbygging markaðsinnviða - Hefring Marine - verkefni lokið

Fréttatilkynning verkefnisstjóra

7.7.2023

Í verkefninu var unnið í að skilgreina sérstöðu fyrirtækisins á alþjóðlegum hafsæknum markaði og móta markaðsstefnu fyrir fyrirtækið. Verkefnið fólst meðal annars í sér að skilgreina sérstöðu fyrirtækisins á markaði fyrir siglingakerfi og þá sérstakleg leiðeinandi- eða snjallsiglingarkerfi þar sem sérstaða þess liggur. Í verkefninu var leitast við að kortleggja og skilgreina hina ýmsu flokka siglingakerfa en Hefring Marine snjallsiglingarkerfið féll ekki undir neina af þeim skilgreiningum eða flokkum sem fyrir eru á markaðnum. Því var nýr flokkur skilgreindur, sem á ensku nefnist “Intelligent Marine Assistance System” eða “IMAS” og hefur verið sótt um skráningu á því orðmerki. Þá var nýtt vörumerki hannað sem fangar betur þessa sérstöðu og þróun kerfisins og upphaf verkefnisins á Íslandi.

HEITI VERKEFNIS: Uppbygging markaðsinnviða - Hefring Marine

Verkefnisstjóri: Karl Birgir Björnsson

Styrkþegi: Hefring ehf.

Tegund styrks: Markaðsstyrkur

Fjöldi styrkára: 1

Fjárhæð styrks: 10.000.000 ISL kr. alls

VERKEFNIÐ VAR STYRKT AF TÆKNIÞRÓUNARSJÓÐI