Næsti umsóknarfrestur fyrir verkefnastyrki í Nordplus menntaáætlun Norrænu ráðherranefndarinnar er 2. febrúar 2026. Í nóvember býður Rannís upp á fjóra rafræna kynningarfundi á Teams þar sem kynnt verða helstu tækifæri og umsóknarferlið innan hverrar undiráætlunar.

Kynningarfundur um Nordplus Voksen þann 24. nóvember kl. 14:00-15:00 þar sem farið verður yfir tækifæri til samstarfs og styrkja fyrir stofnanir og samtök sem starfa innan fullorðinsfræðslu.

Rafrænn kynningarfundur um Nordplus Háskólastig verður haldinn 26. nóvember kl. 13:00–13:30. Undiráætlunin styður samstarfsverkefni og náms- og þjálfunarferðir fyrir háskóla, kennara og háskólanema.

Rafrænn kynningarfundur um Nordplus Norrænu tungumálaáætlunina og Nordplus Horizontal verður haldinn 25. nóvember kl. 14:15–15:00. Kynnt verða tækifæri til samstarfsverkefna á sviði tungumála, menningar og þverfaglegs samstarfs milli menntastiga.

Opnað hefur verið fyrir umsóknir um styrki í Nordplus, menntaáætlun Norrænu ráðherranefndarinnar 2023–2027. Áhersluatriði áætlunarinnar fyrir árið 2026 er að efla hæfni og þekkingu til að styrkja samkeppnishæfni Norðurlandanna og Eystrasaltsríkjanna. 

Umsóknarfrestur er til 2. febrúar 2026, kl. 23:59 CET.

Nordplus býður upp á rafrænan upplýsingafund þann 5. nóvember kl. 12:00 fyrir umsækjendur sem hafa áhuga á að kynna sér þau tækifæri sem í boði eru og hyggja á að sækja um styrk í næsta umsóknarfrest sem verður þann 2. febrúar 2026.

Umsóknarfrestur um styrki fyrir undirbúningsheimsóknir í Nordplus Junior, leik- grunn- og framhaldsskólastig, Nordplus Voksen, fullorðinsfræðsla og Nordplus Sprog, norræn tungumál er 1. október 2025.