Með markaðsstyrk frá Tækniþróunarsjóði var Memento ehf. gert kleift að greina markaði og hefja markaðssókn á erlendri grundu, þ.e. útbúa kynningarefni, sækja ráðstefnur og fleira.

Expeda ehf. hefur lokið þróun á öflugu stafrænu stoðtæki til mats á gigtarsjúkdómum sem auðveldar og styður við greiningarferli kerfislægra sjálfsofnæmis- og gigtarsjúkdóma.

Tvívíðar rafdráttargreiningar Lífeindar eru nú orðnar þekktar um allan heim og margir sem hafa sýnt því áhuga að koma tækninni upp á sinni rannsóknarstofu. Lífeind hefur lagt mikla áherslu á að vinna með vísindamönnum og fyrirtækjum að notkun tækninnar við hinar ýmsu greiningar og markaðssett fyrirtækið sem kjarnsýrugreiningarfyrirtæki.

Vorfundur Tækniþróunarsjóðs 2018 var haldinn fimmtudaginn 7. júní í Petersen svítunni í Gamla bíói. Veðrið var frábært og tókst fundurinn mjög vel í alla staði.