Mennta- og tæknifyrirtækið Skema var stofnað árið 2011 og hefur síðan tekið á móti rúmlega 4.500 börnum á aldrinum 6-16 ára á fjölbreytt forritunar- og tækninámskeið.

Ígló hannar, framleiðir og selur barnaföt fyrir aldurshópinn 0-10 ára.  Fyrirtækið var stofnað árið 2008 og rekur í dag þrjár eigin verslanir ásamt því að vörur fyrirtækisins, undir vörumerkinu Ígló&Indí, eru seldar í 35 öðrum verslunum í 15 löndum.

Lúlla er rafdrifin tuskubrúða úr náttúrulegum efnum sem er ætlað að bæta gæði svefns, bæta líðan og styðja við þroska ungra barna. Notkun hennar kemur jafnvægi á öndun og hjartslátt og eykur með því öryggi fyrirbura og ungbarna.