Í verkefninu var hannaður og smíðaður raförvunarbúnaður sem nýtist til þess að byggja upp og endurhæfa vöðva og taugar sem hreyfa fingur mænuskaddaðs einstaklings. 

Framleiðsla á Starborne-leiknum (áður PROSPER) með hjálp Tækniþróunarsjóðs hefur hjálpað félaginu að laða til sín fjárfesta og koma leiknum á þann stað að tekjumyndun geti hafist.

Með stuðningi Tækniþróunarsjóðs hefur Lauf Forks hf. náð fótfestu sem leiðandi fyrirtæki í hönnun fjöðrunargaffla fyrir malar-keppnishjól.

Með veglegum styrk frá Tækniþróunarsjóði hefur SagaMedica farið í umfangsmikla vinnu sem snýr að endurmörkun vörunnar SagaPro fyrir Ameríkumarkað og Evrópu. 

„Ég tel að Tækniþróunarsjóður sé gífurlega mikilvæg stoð bæði fyrir íslenska nýsköpun og tækniþróun ásamt því að veita mikilvægan stuðning við sprotafyrirtæki sem eru með vöru eða þjónustu sem á erindi á alþjóðlega markaði“, segir Ívar Kristjánsson, framkvæmdastjóri ATMO Select.

Arctic Trucks er viðurkenndur leiðtogi á heimsvísu í þróun bíla fyrir erfiðar aðstæður. Félagið hefur þróað og sannreynt samgöngutækni fyrir heimskautasvæðin.

Varan sem þróuð var í verkefninu styður við eftirlit innan lögverndaðra svæða með losun skaðlegra efna frá skipum.