Fljótleg forritun á litlum örgjörvum - verkefnislok
Sprotafyrirtækið R2 hefur lokið við smíði á hugbúnaði sem gerir forritun á litlum örgjörvum fljótlegri. Litlir örgjörvar, einkum af tegundinni ARM, eru notaðir víða, m.a. í bílum, heimilistækjum, iðnstýringum og þráðlausum skynjurum. Hugbúnaðurinn sem R2 hefur smíðað gerir kleift að breyta forritum í rauntíma og sjá áhrif breytinga á forriti strax. Einnig nýtist hugbúnaðurinn við villuleit því ekki þarf að endurræsa örgjörvann til að breyta forriti. Verðmæti eins prósents af markaðnum er áætlað 440 milljónir ISK. Næsta skref í þróuninni er kynning og prófanir hjá völdum notendum.
Heiti verkefnis: Fljótleg forritun á litlum örgjörvum
Verkefnisstjóri: Bergur Ragnarsson, R2 ehf.
Tegund styrks: Frumherjastyrkur
Styrkár: 2012
Fjárhæð styrks: 5 millj. kr.
Tilvísunarnúmer Rannís: 120971-0611
VERKEFNIÐ VAR STYRKT AF TÆKNIÞRÓUNARSJÓÐI.
