Átak í starfsmenntun
Miðvikudaginn 25. nóvember 2015 munu Menntamálastofnun og Rannís standa að fundi undir yfirskriftinni: Átak í starfsmenntun - starfsgreinaráðin, skólarnir og stoðkerfið. Fundurinn verður haldinn í Hvammi, Grand hótel, Reykjavík.
Framundan er átak í að fjölga nemendum sem ljúka starfsnámi. Til þess að svo verði þarf að koma á markvissu námi sem höfðar til nemenda, tryggja nemendum vinnustaðanám og stofna fagháskólastig þannig að ungt fólk líti á starfsnám sem lykil í áframhaldandi nám á háskólastigi. Menntamálastofnun, sem tók formlega til starfa í október, vinnur með framhaldsskólum og starfsgreinaráðum að námsbrautalýsingum í starfsnámi. Menntamálastofnun vill tryggja samtal atvinnulífs og skóla, á þessari vegferð, og leggur áherslu á að nám taki mið af þörfum atvinnulífsins.
Rannís hefur umsjón með tveim verkefnum sem tengjast fundinum; ReferNeti sem safnar upplýsingum fyrir Cedefop (Miðstöð Evrópusambandsins um þróun starfsmenntunnar) og ECVET sem er einingakerfi í starfsmenntun sem hentar mjög vel við íslenskar aðstæður.
Fundurinn er tvískiptur og er seinni hluti hans eingöngu ætlaður fulltrúum starfsgreinaráða. Fyrri hluta fundarins verður streymt á netinu, vinsamlegast látið vita ef þið viljið tengjast. Senda póst
Dagskrá
- 13:30 Starfsmenntastofnun Evrópu fertug – hugleiðing um gagnsemi námsheimsókna, upplýsingaöflunar og greiningar á stöðu starfsmenntunar
Ágúst Hjörtur Ingþórsson, sviðsstjóri mennta- og menningarsviðs Rannís - 13:45 Vangaveltur um hæfniviðmið í íslenska starfsmenntakerfinu:
Skilgreiningar, samhengi og álitamál
Elsa Eiríksdóttir, lektor Menntavísindasvið Háskóla Íslands - 14:15 Efling starfsmenntunar - hlutverk Menntamálastofnunar
Arnór Guðmundsson, forstjóri Menntamálastofnunar - 14.30 Kaffihlé
Dagskrá hefst fyrir starfgreinaráð
15:00 Starfsgreinaráð og námskrármál
Kristín Runólfsdóttir, sérfræðingur Menntamálastofnun
16:00 Hvítbók ... og hvað svo?
Ársæll Guðmundsson, verkefnisstjóri Mennta- og menningarmálaráðuneyti
Fundarstjóri: Skúli Leifsson, sérfræðingur Menntamálastofnun.