Kynningarfundur Hagnýtra rannsóknarverkefna og Eurostars
Fundurinn sem er rafrænn verður haldinn mánudaginn 11. janúar 2021 kl. 13.00-14.00. Fundurinn er á vegum Tækniþróunarsjóðs og viðfangsefni fundarins er kynning á styrktarflokknum Hagnýt rannsóknarverkefni auk kynningar á Eurostars.
Um er að ræða veffund á Zoom og nauðsynlegt að skrá þátttöku til að geta tekið þátt:
Kynningin er fyrir háskóla, opinberar rannsóknastofnanir, opinber fyrirtæki og lítil og meðalstór fyrirtæki í rannsóknar- og þróunarstarfsemi.
- Markmið Hagnýtra rannsóknarverkefna er að afla nýrrar þekkingar og kunnáttu sem nýtist til að þróa nýjar vörur, verkferla eða þjónustu eða til að koma í kring umtalsverðum endurbótum á eldri vörum, verkferlum eða þjónustu. Verkefnið þarf að vera með skýr og raunhæf markmið um hagnýtingu.
- Eurostars er stærsta alþjóðlega fjármögnunaráætlun fyrir lítil og meðalstór fyrirtæki sem vinna að R&Þ verkefnum sem skapa nýjar vörur, ferli eða þjónustu til markaðssetningar. Íslensk þátttaka er fjármögnuð með framlagi frá Tækniþróunarsjóði.
Dagskrá:
- Opnun fundarins af sviðsstjóra rannsókna- og nýsköpunarsvið Rannís
- Kynning á Hagnýtum rannsóknarverkefnum; hluti af styrktarkerfi Tækniþróunarsjóðs
- Kynning á Eurostars, sameiginleg áætlun Evrópusambandsins og EUREKA Network með það markmið að styðja við nýsköpun.
- Reynslusaga frá styrkþega
- Spurt og svarað
Næsti umsóknarfrestur í Eurostars er 4. febrúar 2021.
Næsti umsóknarfrestur í Hagnýt rannsóknarverkefni er 25. febrúar 2021.
