Meistaradeild sprotafyrirtækja í Evrópu - fjármögnun fyrir sprotafyrirtæki
Nýsköpunarmiðstöð Íslands og Rannís bjóða til opins kynningarfundar um Eurostars-2, möguleika á fjármögnun verkefna sprotafyrirtækja sem stunda sjálf rannsóknir og þróun.
Nýsköpunarmiðstöð Íslands og Rannís bjóða til opins kynningarfundar um Eurostars-2, möguleika á fjármögnun verkefna sprotafyrirtækja sem stunda sjálf rannsóknir og þróun. Einnig verður sagt frá þjónustu Enterprise Europe Network við sprotafyrirtæki.
Fundurinn verður fimmtudaginn 7. júlí 2016 kl. 9:00 – 10:30 í Nýsköpunarmiðstöð Íslands að Árleyni 8 á Keldnaholti.
Fundurinn er ætlaður væntanlegum umsækjendum Eurostars verkefna. Sérstaklega eru velkomin fyrirtæki í Samtökum sprotafyrirtækja og fyrirtæki á öllum frumkvöðlasetrum Nýsköpunarmiðstöðvar en fundurinn er öllum opinn. Umsóknarfrestur til Eurostars er opinn en næst verður umsóknum smalað saman 15. september 2016. Dagskrá:
- Snæbjörn Kristjánsson, verkfræðingur hjá Nýsköpunarmiðstöð Íslands, landsfulltrúi í stjórn Eurostars fjallar um umsóknarferlið.
- Herwig Lejsek, framkvæmdastjóri Videntifier Technologies ehf. kynnir nýtt Eurostars hugbúnaðarverkefni: EVALA sem er í samvinnu við tvö fyrirtæki í Búlgaríu. „Cognitive And Semantic Links Analysis and Media Evaluation Platform“
- Mjöll Waldorff, verkefnisstjóri hjá Enterprise Europe Network á Íslandi kynnir þjónustu EEN fyrir sprotafyrirtæki (SME´s) og tækifæri til samstarfs erlendis.
Boðið verður upp á kaffi og kleinur á fundinum. Kynnið ykkur upplýsingar á www.eurostars-eureka.euTækniþróunarsjóður heyrir undir iðnaðarráðherra og mun koma að fjármögnun þeirra verkefna sem fá brautargengi hjá Eurostars.
- www.nmi.is/eurostars
- www.eurostars-eureka.eu
- www.eurostars-eureka.eu/downloads/guidelines
- www.een.is