NordForsk opnar fyrir umsóknir í áætlun um samfélagslegt öryggi
Til stendur að úthluta 28,5 milljónum norskra króna til þriggja verkefna að þessu sinni og er umsóknarfrestur 20. september nk. Lögð er áhersla á að bakvið hverja umsókn séu að minnsta kosti þrír norrænir aðilar.
Annars vegar á að skoða forsendur og grundvöll samfélagsöryggis á Norðurlöndum og hins vegar hvernig lögmætar og árangursríkar aðferðir til þess að stuðla að auknu öryggi samræmast hinni hefðbundnu samfélagsgerð Norðurlanda.
Auglýst er sérstaklega eftir samanburðarrannsóknum þar sem umsækjendur bera saman Norðurlöndin eða bera Norðurlöndin saman við önnur ríki á þessu sviði.Norræn rannsóknaráætlun um samfélagslegt öryggi (Nordic Societal Security Programme) er þverfagleg rannsóknaráætlun NordForsk sem ýtt var úr vör árið 2013 og er unnin af NordForsk í samstarfi við RANNÍS, finnsku akademíuna, Almannavarnastofnun Svíþjóðar (MSB), norska rannsóknarráðið (The Research Council of Norway) og Almannavarnastofnun Noregs (DSB).
- Sjá nánar í auglýsingu á síðu NordForsk
- Frekari upplýsingar veitir Lone Jessen hjá NordForsk