Innviðasjóður - umsóknarfrestur til 1. apríl
Hlutverk Innviðasjóðs er að byggja upp rannsóknainnviði á Íslandi. Innviðasjóður veitir styrki til kaupa á tækjum, gagnagrunnum og hugbúnaði og öðrum þeim búnaði sem telst mikilvægur fyrir framfarir í rannsóknum.
Við úthlutun úr Innviðasjóði er tekið mið af úthlutunarstefnu Rannsóknasjóðs og eftirtalin atriði lögð til grundvallar:
- Að innviðirnir séu mikilvægir fyrir framfarir í rannsóknum á Íslandi og fyrir rannsóknir umsækjenda
- Að fjárfesting í innviðum skapi nýja möguleika til rannsókna og/eða innviðirnir tengist verkefnum sem Rannsóknasjóður styrkir
- Að innviðirnir auki möguleika á menntun og þjálfun á viðkomandi fræðasviði
- Að samstarf verði um nýtingu innviða milli stofnana eða milli stofnana og fyrirtækja með fyrirsjáanlegum hætti
- Innviðir sem komið er upp með styrk frá sjóðnum skulu vera aðgengilegir öðrum rannsóknahópum eftir því sem svigrúm er til og skal sjóðnum gerð grein fyrir hvernig aðgengi verður háttað
- Að áætlanir um kostnað og fjármögnun séu raunhæfar
Umsóknir eru rafrænar og er aðgengi að umsóknarkerfi Rannís í gegnum síðu sjóðsins. Umsækjendur skulu kynna sér allar upplýsingar og reglur sjóðsins áður en umsókn er gerð.
Eiríkur Stephensen
sérfræðingur hjá Rannís veitir upplýsingar um Innviðasjóð.