Opið fyrir umsóknir í Digital Europe Programme (DEP) til að efla netöryggi
DEP hefur opnað fyrir spennandi köll á sviði netöryggismála þar sem er óskað er eftir stofnunum, fyrirtækjum og / eða rannsóknarteymum til að taka þátt í öflugum samstarfsverkefnum. Sérstaklega er vakin athygli á tveimur köllum á sviði dulkóðunar í mikilvægum innviðum og netöryggis í heilbrigðiskerfinu.
Digital Europe Programme (DEP) hefur opnað fyrir spennandi köll á sviði netöryggismála þar sem er óskað er eftir stofnunum, fyrirtækjum og / eða rannsóknarteymum til að taka þátt í öflugum samstarfsverkefnum. Sérstaklega er vakin athygli á tveimur köllum á sviði dulkóðunar í mikilvægum innviðum og netöryggis í heilbrigðiskerfinu.
Opnað var fyrir umsóknir 12. júní 2025 og er umsóknarfrestur til 7. október 2025 kl. 15:00 (CET: 17:00)
1. PublicPQC (Post-Quantum Cryptography) – Örugg dulkóðun fyrir mikilvæga innviði
Markmið: Stuðla að öruggri yfirfærslu yfir í skammtatölvuþolna dulkóðun (PQC) innan opinberra lykilinnviða (PKI), með áherslu á öruggar stafrænar undirskriftir, lykilstjórnun og vottunarferla.
Fyrir hverja:
- Háskóla og rannsóknarstofnanir með sérþekkingu á dulkóðun
- Netöryggisfyrirtæki/hugbúnaðarfyrirtæki sem þróa PKI-kerfi eða dulkóðunarverkfæri
- Vottunarstofur (Certificate Authorities) eða aðilar sem vinna með stafræna auðkenningu
- Opinberar stofnanir sem bera ábyrgð á stafrænum innviðum.
Styrkur: Allt að 50% af kostnaði, verkefni á bilinu 3-4 milljónir evra.
Nánari upplýsingar um kallið má finna á EU Funding & Tenders Portal
2. CyberHEALTH – Netöryggi í heilbrigðiskerfinu
Markmið: Styðja við netöryggi sjúkrahúsa og heilbrigðisþjónustu með tilraunaverkefnum, m.a. á sviði áætlunargerðar, fræðslu og vitundarvakningar meðal starfsfólks.
Fyrir hverja:
- Sjúkrahús og heilbrigðisstofnanir
- Netöryggisfyrirtæki með reynslu af heilbrigðisgeiranum
- Háskóla og rannsóknarstofnanir með sérþekkingu í heilbrigðistækni og / eða netöryggi
Styrkur: Allt að 50% af kostnaði, verkefni á bilinu 3-5 milljónir evra. Verkefnið verður að vera framkvæmt af lágmarki tveimur mismunandi umsækjendum frá a.m.k. tveimur mismunandi löndum.
Nánari upplýsingar um kallið má finna á EU Funding & Tenders Portal
