Opnað fyrir þátttöku í 70 ný COST verkefni
Tilgangur COST verkefna er að byggja upp alþjóðleg samstarfsnet rannsókna og nýsköpunar á ákveðnum rannsóknasviðum. Þátttakendur í COST verkefnum skiptast á reynslu og niðurstöðum í gegnum fundi og ráðstefnur, vinnustofur og heimsóknir.
COST greiðir fyrir kostnað þátttakenda vegna ferða og ráðstefnuhalds í þessum verkefnum en greiðir ekki kostnað við rannsóknaverkefnin sjálf. COST verkefni hafa oft leitt til áframhaldandi samstarfs á milli þátttakenda í styrkumsóknum í stærri verkefni í Rannsóknaáætlun ESB.
Á síðasta ári var reglum breytt og nú getur Ísland tilnefnt tvo stjórnarmeðlimi í hvert verkefni.
Einnig geta áhugasamir skráð sig í vinnuhópa (Working group) og er viðkomandi þá ekki formlegur fulltrúi Íslands. Slík skráning fer ekki í gegnum Rannís.
Þátttaka í COST verkefni er opin öllu vísindafólki sem hefur sérþekkingu á því sviði sem verkefnið fjallar um, hvort sem um er að ræða doktorsnema eða reyndari vísindamenn úr bæði háskólum og einkageira.
Ósk eftir tilnefningu skal senda í formi umsóknar til Rannís: Nánari upplýsingar
