Opnað hefur verið fyrir umsóknir í HERA (evrópskt rannsóknarnet hugvísinda)
Um er að ræða þriggja ára rannsóknarsamstarf Evrópulanda á sviði hugvísinda. Þessi auglýsing eftir umsóknum ber yfirskriftina „Public Spaces: Culture and Integration in Europe“ og skulu rannsóknirnar falla að því efni.
Farið er fram á samstarf a.m.k. fjögurra Evrópulanda og er umsóknarfrestur fyrir fyrstu umferð umsókna 24. október 2017, á hádegi að íslenskum tíma (14:00 CEST).
Hægt er að lesa auglýsinguna um umsóknir og umsóknarferlið á heimasíðu HERA.
Áhugasömum umsækjendum er bent á kynningarfund um HERA og áherslurnar fyrir þennan umsóknarfrest, sem haldinn verður í Háskóla Íslands, Gimli, stofu 102, föstudaginn 15. september kl. 11:00-12:15.
