Rafrænn upplýsingadagur European Innovation Council (EIC)
Vinnuáætlun Evrópska nýsköpunarráðsins 2023 verður kynnt á heilsdags netviðburði þann 13. desember 2022 milli kl. 8:30 – 16:00.
Á upplýsingadeginum munu sérfræðingar EIC fara yfir helstu nýjungar EIC vinnuáætlunar 2023, ásamt því að fara yfir það sem áður hefur áunnist af fyrri vinnuáætlunum.
Að auki munu fyrirlesarar fara yfir þrjár megin fjármögnunarleiðir sem EIC hefur upp á að bjóða:
- EIC Pathfinder: Fyrir háþróaðar rannsóknir á byltingarkenndri tækni
- EIC Transition: Til að umbreyta niðurstöðum rannsókna í nýsköpunartækifæri
- EIC Accelerator: Fyrir fyrirtæki til að þróa áfram byltingakenndar nýjungar
Ekki er nauðsynlegt að skrá sig á fundinn og hlekkurinn verður opinn allan daginn þannig að auðvelt er að hoppa inn og af fundinum eftir þörfum og áhugasviði.
