Sameiginleg leiðbeinendaþjálfun íslensku háskólanna 2022-2023
Rannís kynnir nýtt
tilraunaverkefni, þjálfunaráætlun fyrir leiðbeinendur doktorsnema við íslenska
háskóla 2022-2023
Vitae, starfsþróunarsetur fræðimanna í Bretlandi, annast þjálfunina en Rannís heldur utan um hana. Fjórir íslenskir háskólar sem veita doktorspróf taka þátt í þjálfuninni, sem er rafræn og fer fram á ensku. Dr. Jen Allanson annast kennslu.
Skólarnir eru:
- Háskólinn á Akureyri
- Háskóli Íslands
- Háskólinn í Reykjavík
- Landbúnaðarháskóli Íslands.
Umsóknir:
Skráning er opin en þjálfunin hefst 23. september.
Umsóknarfrestur
er 12. september kl. 16:00 að íslenskum tíma:
Núverandi eða tilvonandi leiðbeinendur, meðlimir í doktorsnefndum, nýdoktorar og annað akademískt starfsfólk sem vinnur með doktorsnemum eða hefur áhuga á leiðbeiningu eru hvött til að sækja um.
Þar sem þjálfunaráætlunin er á tilraunastigi er sætafjöldi takmarkaður við 30 að þessu sinni. Fjöldinn er dreifður milli stofnana eins og hér stendur: Háskólinn á Akureyri (4), Háskóli Íslands (16), Háskólinn í Reykjavík (7) og Landbúnaðarháskóli Íslands (3).
Þjálfuninni er skipt niður í sex hluta og byggir hver hluti á þeim fyrri, þannig að æskilegt er að sömu þátttakendur sitji öll skiptin, en það er ekki krafa. Hver háskóli tekur eigin ákvörðun um val á þátttakendum úr sínum röðum.
Upplýsingar um námskeið og þjálfara
Spurningar um þjálfunina og val á þátttakendum beinast til fulltrúa hverrar stofnunar:
Háskólinn á Akureyri: Guðrún Rósa Þórsteinsdóttir (gudrunth@unak.is)
Háskóli Íslands: Toby Erik Wikström (tew@hi.is)
Háskólinn í Reykjavík: Kristján Kristjánsson (kk@ru.is)
Landbúnaðarháskólinn: Hlynur Óskarsson (hlynur@lbhi.is)
