Starfslaun listamanna 2023
Auglýst eru til umsóknar starfslaun listamanna sem úthlutað verður árið 2023 í samræmi við ákvæði laga nr. 57/2009 . Opið er fyrir umsóknir til 3. október 2022 kl. 15:00.
Samkvæmt lögum um listamannalaun eru til úthlutunar 1600 mánaðarlaun (133,3 árslaun):
- 50 mánuðir úr launasjóði hönnuða (4,2 árslaun)
- 435 mánaðarlaun úr launasjóði myndlistarmanna (36,3 árslaun)
- 555 mánaðarlaun úr launasjóði rithöfunda (46 árslaun)
- 190 mánaðarlaun úr launasjóði sviðslistafólks (15,8 árslaun)
- 180 mánaðarlaun úr launasjóði tónlistarflytjenda (15 árslaun)
- 190 mánaðarlaun úr launasjóður tónskálda (15,8 árslaun)
Í umsóknum er óskað eftir:
- lýsingu á vinnu og listrænu gildi verkefna (50% vægi)
- ferli umsækjenda (30% vægi)
- verk- og tímaáætlun (20% vægi)
Umsóknir eru einstaklingsumsóknir og nota þarf rafræn skilríki við gerð þeirra.
Sviðslistahópar sækja um í launasjóð sviðslistafólk í gegnum umsókn Sviðslistasjóðs.
Ef við á þarf að tilgreina umsóknarnúmer samtarfslistamanna í umsóknum.
Hafi umsækjandi hlotið starfslaun áður, verður umsókn aðeins tekin til umfjöllunar ef framvinduskýrslu/lokaskýrslu hefur verið skilað sbr. ákvæði 4. gr. laga um listamannalaun nr. 57/2009.
Á vef listamannalauna eru umsóknar- og skýrsluform, matskvarði, áherslur stjórnar, lög og reglugerð og leiðbeiningar um gerð umsókna.
Hægt er að senda fyrirspurn á: listamannalaun(hja)rannis.is.
Listamenn eru hvattir til að skila umsóknum tímanlega en umsóknarfrestur rennur út 3. október 2022 kl. 15:00.
