Úthlutun úr Jafnréttissjóði Íslands fyrir árið 2021
Stjórn Jafnréttissjóðs Íslands hefur lokið úthlutun úr sjóðnum fyrir árið 2021 en umsóknarfrestur rann út 29. apríl síðastliðinn.
Styrkveitingar voru kynntar föstudaginn 18. júní í Björtuloftum í Hörpu, þar sem forsætisráðherra, Katrín Jakobsdóttir, veitti styrkina við formlega athöfn.
Markmið Jafnréttissjóðs er að styrkja verkefni og rannsóknir sem miða að því að efla jafnrétti kynjanna í íslensku samfélagi og á alþjóðavísu, en sjóðurinn var stofnaður í tilefni af 100 ára kosningaréttarafmæli íslenskra kvenna árið 2015.
Alls barst 81 umsókn í sjóðinn. Úthlutað var 25 milljónum króna í styrki til 8 verkefna.
Rannsóknaverkefni
| Nafn | Verkefni | Upphæð kr. |
| Valgerður Guðmundsdóttir | The Nordic concept of gender equality and ‘The Other' | 4.000.000 |
| Soroptimistaklúbbur Suðurlands | Sigurhæðir | 4.000.000 |
| Berglind Hólm Ragnarsdóttir | Working- Class women, Well-being and the Welfare State: New Evidence from the Icelandic Context | 4.000.000 |
| Varða - Rannsóknastofnun vinnumarkaðarins ses. | NEET hópurinn: Upplifanir og reynsla ungra kvenna af erlendum uppruna | 1.700.000 |
Kynningar- og fræðsluverkefni
| Nafn | Verkefni | Upphæð kr. |
| Stígamót | Sjúkást spjallið - netspjall fyrir unglinga um ofbeldi | 5.000.000 |
| Landsbókasafn -Háskólabókasafn | Frumskjöl í almannarými: Rauðsokkahreyfingin - skjala- og upplýsingavefur | 3.000.000 |
| Hildur Fjóla Antonsdóttir | Réttlæti handan refsiréttar: Hvernig mætum við réttlætishagsmunum þolenda kynferðisofbeldis? | 1.700.000 |
| Forréttindi ehf | Jafningjanámskeið Tabú fyrir fatlaðar konur af erlendum uppruna | 1.600.000 |
Birt með fyrirvara um innsláttarvillur.
