Úthlutun úr Loftslagssjóði 2022
Stjórn Loftslagssjóðs hefur lokið við úthlutun. Alls bárust 85 gildar umsóknir og verða 12 þeirra styrktar, eða um 14% umsókna.
Þetta er í þriðja sinn sem úthlutað er úr Loftslagssjóði. Sjóðurinn heyrir undir umhverfis-, orku- og loftslagsráðherra og er hlutverk hans að styðja við nýsköpunarverkefni á sviði loftslagsmála og verkefni sem lúta að kynningu og fræðslu um áhrif loftslagsbreytinga.
Alls bárust 85 gildar umsóknir í sjóðinn, 41 umsókn um nýsköpunarverkefni og 44 umsóknir um kynningar- og fræðsluverkefni. Sótt var alls um rúmar 640 milljónir króna. Ákveðið var að styrkja 12 verkefni í allt, fyrir 88.134 þús. kr.
Alls verða sex nýsköpunarverkefni styrkt og sex kynningar- og fræðsluverkefni, sjá lista hér fyrir neðan.
Svör hafa verið send í tölvupósti til verkefnisstjóra.
Nýsköpunarverkefni
| Heiti verkefnis | Aðalumsækjandi | Umsótt upphæð (kr.) |
| AlSiment, umhverfisvænn arftaki sements | Gerosion ehf. | 11.893.000 |
| Innleiðing kolefnislausrar álframleiðslu | Arctus Aluminium ehf | 9.950.000 |
| Kerfisbundin innleiðing og notkun á matarsóunar, forvarnartækni | GreenBytes ehf. | 13.000.000 |
| Flæðibúr: Tæki til samfelldra mælinga á losun koltvísýrings úr jarðvegi | Ólafur Sigmar Andrésson | 4.000.000 |
| Kolefnisforði og CO2 flæði úr jarðvegi – þróun á vöktunarsamstarfi, aðferðum og tækjabúnaði | Náttúrustofa Suðausturlands ses. | 3.980.000 |
| Smáforrit gegn matarsóun | Humble ehf. | 12.990.000 |
Kynningar- og fræðsluverkefni
| Heiti verkefnis | Aðalumsækjandi | Umsótt upphæð (kr.) |
| Leggjum línurnar: Menntaverkefni á vef | Kópavogsbær | 3.000.000 |
| Ljúffengur matur í samhljómi við loftslagið - þverfagleg aðgerðaáætlun | Bryndís Eva Birgisdóttir | 6.750.000 |
| Orkuskiptu.is - Kynning á orkuskiptalausnum fyrir atvinnubíla | RST Net ehf. | 4.976.000 |
| Matvælaframleiðsla á Íslandi - hvernig má draga úr losun? | UMÍS Umhverfisráðgjöf Ísl ehf | 6.240.000 |
| Kolefnishlutlaust Ísafjarðardjúp | Blámi, félagasamtök | 4.419.000 |
| Loftslagsvænt líf á Austurlandi: Fræðslumyndbönd fyrir almenning | Austurbrú ses. | 6.936.000 |
