Úthlutun úr Sprotasjóði 2023
Sprotasjóður leik-, grunn- og framhaldsskóla hefur úthlutað styrkjum af fjárlögum ársins 2023.
Sprotasjóður leik- grunn- og framhaldsskóla hefur úthlutað 56,8 m.kr. til 25 skólaþróunar-verkefna fyrir skólaárið 2023–2024. Mennta- og barnamálaráðherra, Ásmundur Einar Daðason, og formaður stjórnar sjóðsins, Bragi Þór Svavarsson, afhentu styrkina við hátíðlega athöfn í mennta- og barnamálaráðuneytinu mánudaginn 15. maí.
Sprotasjóður styður við þróun og nýjungar í skólastarfi í leik- grunn- og framhaldsskólum í samræmi við stefnu stjórnvalda og aðalnámskrá viðkomandi skólastiga. Umsýsla er hjá Rannís. Áherslusvið sjóðsins voru að þessu sinni
- farsæld barna og ungmenna með áherslu á geðrækt, geðtengsl, geðheilbrigði,
- sköpun og hönnun,
- stafræn borgaravitund, upplýsinga- og miðlalæsi.
Samtals bárust sjóðnum 76 umsóknir að undangenginni auglýsingu. Samanlagðar fjárbeiðnir námu alls 259,2 m.kr.
Eftirfarandi verkefni hlutu styrk*:
| Nafn umsækjanda | Heiti verkefnis | Úthlutað í kr. |
| Leikskóli Seltjarnarness | Listaskáli á leikskóla | 98.500 kr. |
| Flensborgarskóli | Félagsleg tengsl og vellíðan í nýnemabekkjum | 300.000 kr. |
| Steinþór Snær Þrastarson | Hænsnakofinn | 305.000 kr. |
| Sunnugarður ehf | Menningararfleifð í læsistengdri skynjun | 400.000 kr. |
| Kópavogsbær | Við erum glöð í geði þegar við erum með !! | 650.000 kr. |
| Kópavogsbær | Komdu út að leika og skapa! | 770.000 kr. |
| Leikskólinn Goðheimar, Sveitarfélagið Árborg | Geymast mér í minni myndir bernskunnar | 1.070.000 kr. |
| Leikskólinn Miðborg, Reykjavíkurborg | Starfshættir í aðlögun sem eflir tengslamyndun | 1.300.000 kr. |
| Helgafellsskóli | Skapið og þér munuð finna (nýjan tilgang) | 1.450.000 kr. |
| Grunnskólinn á Þórshöfn | Það vex, sem að er hlúð. | 1.590.000 kr. |
| Hafnarfjarðarkaupstaður, allir grunnskólar og mennta- og lýðheilsusvið | Kyn- og kynjafræðsla | 2.050.000 kr. |
| Tálknafjarðarskóli | Geðrækt í Tálknafjarðarskóla | 2.110.000 kr. |
| Laugalækjarskóli | Stafrænar spírur | 2.200.000 kr. |
| Menntaskólinn við Sund | Þróun nemendaþjónustu með farsæld að leiðarljósi | 2.400.000 kr. |
| Fossvogsskóli | Hundur í skóla - aukin vellíðan | 2.445.000 kr. |
| Akureyrarbær, fræðslu- og lýðheilsusvið | Bætt verklag í baráttu við skólaforðun | 2.600.000 kr. |
| Stóru-Vogaskóli | Íslenska í orði og á borði | 2.720.000 kr. |
| Mosfellsbær | Aukin farsæld hinsegin barna Í samfélaginu | 3.200.000 kr. |
| Menntaskólinn á Akureyri | Geðrækt í MA - Bjargráðin 5 | 3.300.00 kr. |
| Oddeyrarskóli | Bætt líðan - aukin fræðsla | 3.480.000 kr. |
| Reykjavíkurborg | Mixið - fjölbreytt og skapandi vinna í smiðjum | 3.800.000 kr. |
| Félags- og skólaþjónusta Austur-Húnvetninga bs. | Sameiginleg forvarnaráætlun Norðurlands Vestra | 4.000.000 kr. |
| Leikskólinn Holt | Leikgleði í gegnum sögur og söng | 4.600.000 kr. |
| Kópavogsbær | Að efla stafræna ábyrgð nemenda. | 5.000.000 kr. |
| Sveitarfélagið Árborg | Hvernig má styðja við farsæld barna í leikskóla? | 5.000.000 kr. |
*Birt með fyrirvara um innsláttarvillur.
