Vefsíða Horizon Europe komin í loftið
Framkvæmdastjórn ESB hefur nú opnað nýja vefsíðu fyrir næstu rannsókna- og nýsköpunaráætlun sína, Horizon Europe.
Nú er hægt að nálgast allar upplýsingar um níundu rannsókna- og nýsköpunaráætlun ESB, sem hlotið hefur heitið Horizon Europe, á nýrri vefsíðu sem verður reglulega uppfærð, eftir því sem undirbúningi áætlunarinnar vindur fram. Vefsíða Horizon Europe.
Einnig hefur verið gefin út opinber kynning á áætluninni, sem hægt er að nálgast á 23 tungumálum. Sækja kynningu á ensku.
Loks er vert að minna á að opið samráð um stefnumótun Horizon Europe er í gangi til 8. september og eru hagsmunaaðilar hvattir til að láta skoðanir sínar í ljós þar.
