Barnamenningarsjóður Íslands - úthlutun 2019

26.5.2019

Forsætisráðherra Katrín Jakobsdóttir hefur samþykkt tillögu stjórnar Barnamenningarsjóðs Íslands um styrkveitingar fyrir árið 2019. Umsóknarfrestur rann út 1. apríl sl. og bárust 108 umsóknir. Sótt var um ríflega fjórfalda þá upphæð sem til skipta var. Samþykkt var að veita 36 styrki að heildarupphæð 97,5 milljónir kr. Fimm manna valnefnd fjallaði um umsóknirnar. Tilkynnt var um úthlutun við athöfn í Alþingishúsinu á degi barnsins, sunnudaginn 26. maí.

  • Barnamsjodur-mynd

Barnamenningarsjóður Íslands var stofnaður í tilefni aldarafmælis fullveldisins með ályktun Alþingis á hátíðarfundi 18. júlí 2018. Hlutverk sjóðsins er að fjármagna og styðja við fjölbreytta starfsemi á sviði barnamenningar með áherslu á sköpun, listir og virka þátttöku barna í menningarlífi. Í starfi sjóðsins er m.a. horft til áherslu menningarstefnu um samstarf stofnana, skóla, félagasamtaka og einstaklinga, ásamt því markmiði að jafna aðgengi barna og ungmenna að fjölbreyttum og vönduðum listviðburðum óháð búsetu og efnahag.

Af þeim fjölda umsókna sem bárust má ráða að mikil gróska á sér stað í heimi lista og menningar með börnum og fyrir börn, sem er afar ánægjulegt. Í tillögum sínum gerði nefndin sér far um að tryggja framgang verkefna sem leggja áherslu á virka þátttöku barna í listum og sköpun, – í samræmi við reglur sjóðsins. Verkefnin, sem valnefndin mælir með að hljóti styrki, spanna vítt svið lista og eru lýsandi fyrir víðfeðm áhugasvið barna og ungmenna sem og gróskumikið menningarstarf um landið allt. Fjölmenningarleg og samfélagsleg verkefni sem tengjast listum minna á að börn eru ekki einsleitur hópur heldur einstaklingar með ólíkan bakgrunn og færni. Nýjar kynslóðir endurnýja og móta samfélagið á sinn hátt, en í flóknum heimi þarf sterk tengsl náttúru, sögu og vísinda við listir og sköpun svo menning framtíðar megi blómstra.

Nánari lýsing verkefna.

Listi yfir verkefni:

Umsækjandi Heiti verkefnis Styrkur
Borgarbókasafn Reykjavíkur í félagi við Camillu Hübbe, Rasmus Meisler, Danska sendiráðið og skóla- og frístundasvið Reykjavíkurborgar Söguheimurinn NORD 18.585.000
Stofnun Árna Magnússonar í íslenskum fræðum Handritin til barnanna 9.350.000
Listasafn Íslands og Þjóðminjasafn Íslands

Menntun barna í söfnum

5.300.000

Únglingurinn í Reykjavík - Samtök um danshús, Frystiklefinn Rifi, LungA-skólinn Seyðisfirði og Reykjavík Dance-festival

Unglingurinn á Íslandi

5.000.000

Borgarsögusafn Reykjavíkur og Listasafn Reykjavíkur

Viðeyjarundrin

4.800.000

Guðrún Bachmann fyrir hönd Vísindasmiðju Háskóla Íslands í samstarfi við Hörpu tónlistarhús

Vísindasmiðjan í Hörpu

3.756.000

Barnamenningarfélagið Skýjaborg

SPOR - sýningarferðalag

3.567.000

Klassíki listdansskólinn í samstarfi við Íslenska dansflokkinn

Dans fyrir alla

3.550.000

Menningarfélag Akureyrar

Leikfélag unga fólksins

3.200.000

Austurbrú í samstarfi við Skaftfell, Tónlistarmiðstöð Austurlands, Sviðslistamiðstöð Austurlands, Fljótsdalshérað og Skólaskrifstofu Austurlands BRAS - Menningarhátíð - Tjáning án tungumáls 3.000.000
Reykjavíkurborg – Barnamenningarhátíð í samstarfi við Hörpu Tónlistarhús, List fyrir alla, Tónlistarborgina Reykjavík og Listaháskóla Íslands BIG BANG tónlistarhátíð í Reykjavík 3.000.000
Edda Erlendsdóttir í samstarfi við Stúlknakór Akureyrarkirkju, Barna- og æskulýðskóra Glerárkirkju, Tónlistarskóla Ísafjarðar, Barna-og unglingakór Selfosskirkju o.fl. Hver vill hugga krílið? 2.690.000
Trúðavaktin, félagasamtök Sjúkrahústrúðar 2.620.000

Ásthildur Björg Jónsdóttir

Listasmiðja: Sögur af sjó 2.572.200
Ari Hlynur Guðmundsson Yates í samstarfi við Animated Learning Lab (í Viborg í Danmörku) og Listkennsludeild Listaháskóla Íslands FLY - ÍSLAND 2.450.000
Sauðfjársetur á Ströndum í samvinnu við Strandabyggð, Náttúrustofu Vestfjarða og Rannsóknarsetur Háskóla Íslands – Þjóðfræðistofu Náttúrubarnaskólinn á Ströndum 2.000.000
Listasafn Alþýðusambands Íslands Kjarval á kerru 2.000.000
Menningarhúsin í Kópavogi Fjölþjóðleg barnamenning 1.800.000
Docfest ehf. Akranes með okkar augum 1.672.250
Aude Maina Anne Busson HOMINAL dansverk 1.600.000
Hönnunarsafn Íslands Hönnunarskóli Hönnunarsafns Íslands 1.540.000
Handbendi Brúðuleikhús ehf. Sumarleikhús æskunnar í Húnaþingi vestra 1.500.000
Salvör Gullbrá Þórarinsdóttir Krakkaveldi - Vinnusmiðja 1.456.640
Strandagaldur í samstarfi við Grunnskólann á Hólmavík, Grunnskólann á Drangsnesi, Leikfélag Hólmavíkur og Rannsóknarsetur HÍ á Ströndum Galdrar og þjóðsögur á Ströndum 1.310.000
Rótarskot Reykjavík Reykjavík Menningarhringur 1.242.400
Háskóli Íslands o.fl.
Umboðsmenn friðar 1.000.000
Menningarmiðstöðin Edinborg í samstarfi við Ísafjarðarbæ, Félag opinberra starfsmanna Vestfjörðum, Verkalýðsfélag Vestfirðinga og Vestfjarðastofu Tungumálatöfrar 1.000.000
Tónlistarskóli Ísafjarðar í samstarfi við GamanGaman Kvikmyndatónleikar barna 950.000
Stúlknakór Akureyrarkirkju í samstarfi við Menningarfélag Akureyrar o.fl. Blái hnötturinn og barnasáttmálinn 900.000
Meðvitaðir Foreldar - Virðing í uppeldi Ævintýraleikvellir 830.000
Tónskáldafélag Íslands Myrkrabörn 750.000
Listahátíð í Reykjavík í samstarfi við List fyrir alla og frístundaheimilið Gulahlíð Uppljómunargarðurinn 731.800
Stelpur rokka! í samstarfi við Reykjavíkurborg Rokkrúlletta 600.000
Menningarfélagið Hneykslist Youth Fringe 476.500
GamanGaman - Félagasamtök Vinnusmiðja og barnasýning á Gamanmyndahátíð Flateyrar 400.000
Amtsbókasafnið á Akureyri Útibókasöfn á Akureyri 300.000
Samtals 36 umsóknir 97.499.790 kr.

Upplýsingar um úthlutun eru birtar með fyrirvara um innsláttarvillur.









Þetta vefsvæði byggir á Eplica