Auglýst eftir umsóknum í áætlun NordForsk um fólksflutninga
Í nýrri áætlun NordForsk um fólksflutninga og aðlögun innflytjenda stendur til að úthluta um 65 milljónum norskra króna til 5-6 verkefna. Umsóknarfrestur er 15. nóvember 2018.
Umsóknaferlið verður í tveimur þrepum og er auglýst eftir forumsóknum á þessu stigi. Þær umsóknir eru töluvert einfaldari og minni í sniðum en endanlegar styrkumsóknir. Valið verður úr þeim forumsóknum sem berast og fær takmarkaður fjöldi umsækjanda tækifæri til að senda inn endanlega umsókn.
Bretland tekur þátt í þessari rannsóknaráætlun og skulu minnst þrír aðilar frá Norðurlöndum eða Bretlandi standa að hverri umsókn.
Frekari upplýsingar má nálgast á heimasíðu NordForsk
Áhugasömum er bent á að beina fyrirspurnum til Kaisa Vaahtera eða Siri Bjarnar hjá Nordforsk.
