Norrænn samstarfshópur í Erasmus+ fundaði á Rannís
Dagana 12-13 maí hittist norrænn samstarfshópur um úttektir og greiningar í tengslum við Erasmus+ áætlunina hér á Íslandi. Hópurinn hefur síðastliðið ár unnið að greiningu á Erasmus Charter (ECHE) umsóknum norrænna háskóla en ECHE er umsókn um vottun sem hver háskóli verður að fá samþykkta til að geta tekið þátt í Erasmus+ áætluninni.
-
Á myndinni frá vinstri: María Kristín Gylfadóttir (Ísland), Eyrún Sigurðardóttir (Ísland), Susanne Suhr Andersen (Danmörk), Dag Stenvoll (Noregur), Irma Garam (Finnland), Kate Sevón (Svíþjóð), Anders Clarhäll (Svíþjóð), Margrete Søvik (Noregur).
Tilgangurinn með heimsókninni nú var að ræða frekara samstarf um greiningar áhrifa Erasmus+ áætlunarinnar auk þess að ræða niðurstöðu ECHE verkefnisins.
Samstarfshópurinn samanstendur af fulltrúum frá Landskrifstofum Erasmus+ áætlunarinnar á öllum Norðurlöndunum.
