Rannís auglýsir eftir matsmönnum
Rannís óskar eftir einstaklingum til að meta umsóknir í menntahluta Erasmus+ áætlunar ESB sem er ný styrkjaáætlun um menntun, æskulýðsstarf og íþróttir.
Óskað er eftir einstaklingum sem hafa:
• yfirgripsmikla þekkingu á íslensku menntakerfi
• skilning og þekkingu á stefnumiðum ESB um menntun
• reynslu af stjórnun innlendra og alþjóðlegra verkefna
• góða íslensku- og enskukunnáttu, sérstaklega í rituðu máli
• reynslu af því að meta verkefnisumsóknir
• skapandi huga og góða rökhugsun
Um er að ræða tímabundin verkefni í tengslum við umsóknarfresti Erasmus+.
Aðeins um Erasmus+
Erasmus+ er ný styrkjaáætlun Evrópusambandsins á sviði menntunar, æskulýðsstarfs og íþrótta sem gildir 2014-2020. Markmið Erasmus+ er að auka gæði og stuðla að samstarfi í menntun og þjálfun innan þeirra 33 Evrópulanda sem eiga aðild að áætluninni. Menntahluti Erasmus+ styrkir verkefni sem snúa að námi og þjálfun nemenda og starfsfólks og stór fjölþjóðleg samstarfsverkefni.
Nánari upplýsingar á www.erasmusplus.is
Áhugasamir eru beðnir um að senda inn ferilskrá fyrir 17. mars á netfangið erasmusplus(hja)rannis.is.
Ef einhverjar spurningar vakna, vinsamlegast setjið ykkur í samband við Margréti Sverrisdóttur, margret.sverrisdottir(hja)rannis.is
