Kynning á Innviðasjóði
Rannís býður til kynningar á tækifærum og styrkjum úr Innviðasjóði, föstudaginn 6. mars kl. 14-15 í Norræna húsinu.
Innviðasjóður veitir styrki til kaupa á tækjum, gagnagrunnum og hugbúnaði og öðrum þeim búnaði sem telst mikilvægur fyrir framfarir í rannsóknum.
Kynningarfundurinn verður haldinn í Norræna húsinu, föstudaginn 6. mars kl. 14-15. Eiríkur Stephensen frá Rannís kynnir hlutverk sjóðsins, helstu styrktegundir og reglur.
Kynningin er öllum opin á meðan húsrúm leyfir.
Umsóknarfrestur Innviðasjóðs rennur út 1. apríl.