Undirbúningur Horizon Europe kominn á fullt
Næsta rannsókna- og nýsköpunaráætlun ESB, Horizon Europe, er óðum að taka á sig mynd. Tillögur framkvæmdastjórnar hafa nú verið ræddar í Evrópuþinginu og ráðherraráðinu og er komið að því að aðildarlöndin komi að stefnumótun áætlunarinnar. Þar er EES löndunum, þ.m.t. Íslandi, boðið að vera með frá upphafi.
Þótt skipulag Horizon Europe (2021-2027) byggi að miklu leyti á núverandi áætlun, Horizon 2020, þá verða ýmsar breytingar og nýjungar.
Þar er helst að telja stóraukna áherslu á nýsköpun með stofnun Evrópska rannsóknaráðsins (European Innovation Council). Hvatt verður til enn frekari þverfaglegrar nálgunar til að takast á við áskoranir nútímans með endurskilgreindum samfélagslegum áskorunum. Loks er að telja að kynntar verða til sögunnar sk. "missions" sem eru markáætlanir með háleitum markmiðum þar sem öll fræðasvið munu leggjast á eitt til að leysa vandamál með rannsóknum og nýsköpun. Farið verður af stað með fimm skilgreindar markáætlanir, en þær geta þróast eða breyst á líftíma áætlunarinnar.
Lagt hefur verið til að leggja 94,1 milljarða evra í Horizon Europe, en endanlegt fjármagn mun ekki liggja endanlega fyrir fyrr en ESB hefur rætt fjárlög sín fyrir næsta tímabil, 2021-2027 .
Fyrsti fundur skugganefndar Horizon Europe var haldinn í byrjun maí, en þar fer stefnumótunin fram í samvinnu við aðildarríki ESB, og hefur EES löndunum, Íslandi, Noregi og Liechtenstein, í fyrsta sinn verið boðið að verða með. Fulltrúar Íslands í nefndinni eru Auður Rán Þorgeirsdóttir, vísinda- mennta- og menningarfulltrúi í Brussel fyrir hönd mennta- og menningarmálaráðuneytisins og Aðalheiður Jónsdóttir sviðsstjóri alþjóðasviðs Rannís og .
