Nýr rammasamningur undirritaður um vísindasamstarfið á Kárhóli

27.3.2018

Af þessu tilefni var undirritaður nýr rammasamningur um vísindasamstarfið á Kárhóli milli Rannís og Heimskautastofnunarinnar. Samningurinn nær til fleiri vísindasviða á norðurslóðum en áður, s.s. veðurfræði, líffræði, vistfræði, haffræði, jöklafræði, jarðfræði, umhverfisvísinda og loftslagsbreytinga, sjávarútvegsfræði og fjarkönnunar. 

Samkvæmt samningnum verður rannsóknamiðstöðin á Kárhóli fjölfagleg miðstöð um norðurslóðarannsóknir. Margar íslenskar vísindastofnanir munu eiga aðild að því samstarfi og undirritaði kínverska sendinefndin einnig samninga um vísindasamstarf við Raunvísindastofnun, Hafrannsóknastofnun, Veðurstofu Íslands og Háskólann á Akureyri. Starfsemi rannsóknamiðstöðvar á Kárhóli mun styrkja þær norðurslóðarannsóknir sem þegar eru stundaðar hér á landi og bæta við þær á sumum sviðum.

Gert er ráð fyrir að framkvæmdum við rannsóknamiðstöðina á Kárhóli ljúki seint á þessu ári en Aurora Observatory, sem er íslensk sjálfseignarstofnun, stýrir framkvæmdum þar, samkvæmt samningum við Heimskautastofnun Kína.

Nánari upplýsingar veitir Þorsteinn Gunnarsson, sérfræðingur á alþjóðasviði Rannís.

Xue Ren, varaforstöðu­maður Heimskauta­stofnunar Kína og Hallgrímur Jónasson, forstöðu­maður Rannís.

Kínverska sendinefndin heimsótti Norðurslóða­miðstöðina á Kárhóli. F.v. Shan Yanyan, Hu Hongqiao, Xu Ren, Yang Chunxiao og Chen Nan.

Myndavél fyrir norðurljós á þaki Norðurljósa­miðstöðvarinnar.