Kynningarfundur Loftslagssjóðs í Norræna húsinu fimmtudaginn 28. nóvember kl. 12:00-13:00
Loftslagssjóður er nýr samkeppnissjóður sem heyrir undir umhverfis- og auðlindaráðherra og hefur ráðherra falið Rannís umsjón með honum
Hlutverk Loftslagssjóðs er að styðja við nýsköpunarverkefni á sviði loftslagsmála og verkefni sem lúta að kynningu og fræðslu um áhrif loftslagsbreytinga. Umsóknir um styrki eru metnar út frá hlutverki og tilgangi sjóðsins og áherslum stjórnar.
Á fundinum 28. nóvember verða áherslur fyrir fyrstu úthlutun kynntar sem og umsóknarferli.
Dagskrá:
- Ávarp: Guðmundur Ingi Guðbrandsson, umhverfis- og auðlindaráðherra
- Áherslur stjórnar: Hildur Knútsdóttir, formaður stjórnar
- Handbók sjóðsins, umsóknarkerfi og faglegt matsferli: Ása Guðrún Kristjánsdóttir, sérfræðingur hjá Rannís
Húsið opnar kl. 11:30 og boðið verður upp á léttan hádegisverð fyrir fundinn.
Allir velkomnir en gestir eru vinsamlega beðnir um að skrá sig: Skrá mig á fund
Streymt verður frá fundinum: Opna streymi
