Rannís auglýsir eftir umsóknum í vinnustaðanámssjóð. Umsóknarfrestur er til 15. nóvember 2016

2.6.2016

Vegna breytinga á verklagi sjóðsins hefur verið ákveðið að sameina umsóknarfresti ársins 2016 og hafa aðeins einn frest í stað tveggja. Umsóknarfrestur er til þriðjudagsins 15. nóvember 2016, kl. 17:00.

Með breyttum verklagsreglum sjóðsins hefur verið leitast við að einfalda umsóknar- og styrkferlið fyrir fyrirtæki og stofnanir en nú getur umsókn fyrir hvern nema náð til alls almanaksársins; mest er þó hægt að sækja um 24 vikur í vinnustaðanámi fyrir hvern nema á hvorum árshelmingi fyrir sig.

Vinnustaðanámssjóður veitir styrki til fyrirtækja og stofnana vegna vinnustaðanáms og starfsþjálfunar sem er skilgreindur hluti af starfsnámi samkvæmt aðalnámsskrá framhaldsskóla.

Markmið sjóðsins er að hvetja fyrirtæki og stofnanir til að taka við nemendum sem stunda vinnustaðanám sem hluta af námi á framhaldsskólastigi og gera þeim kleift að ljúka tilskildu vinnustaðanámi.

Umsóknum skal skilað á rafrænu formi.

Nánar um sjóðinn, umsóknarferli og tengiliði.









Þetta vefsvæði byggir á Eplica