Sérfræðingur óskast í fullt starf hjá Rannís
Starfið felst í umsýslu samkeppnissjóða á vegum Rannís, einkum Tækniþróunarsjóðs auk annarra verkefna s.s. þátttöku í uppbyggingu upplýsingakerfis Rannís.
Menntunar- og hæfniskröfur
- Háskólapróf í verkfræði, tæknifræði eða sambærilegum greinum. Meistarapróf æskilegt
- Þekking á gagnagrunnum og SQL fyrirspurnarmáli
- Þekking á hugbúnaðargerð
- Góð tungumálakunnátta í íslensku og ensku, bæði tal- og ritmál
- Þjónustulund, jákvætt viðmót og færni í samskiptum
- Metnaður til að ná árangri í starfi með því að sýna vönduð vinnubrögð, frumkvæði og veita góða þjónustu
Upplýsingar um starfið veitir Sigurður Björnsson , sviðsstjóri eða Lýður Skúli Erlendsson , sérfræðingur á rannsókna- og nýsköpunarsviði.
Umsóknarfrestur er til og með 19. desember 2016
Umsókninni skal fylgja ferilskrá, kynningarbréf ásamt prófskírteini og upplýsingum um meðmælendur.
Umsóknir geta gilt í sex mánuði frá því að umsóknarfrestur rennur út, sbr. reglur nr. 464/1996 um auglýsingar á lausum störfum, með síðari breytingum.
Við ráðningu í starfið verður tekið mið af jafnréttisáætlun Rannís. Laun greiðast samkvæmt viðeigandi kjarasamningi við fjármálaráðuneytið.
Öllum umsóknum verður svarað þegar ákvörðun hefur verið tekin um ráðningu.
Rannís er miðstöð stuðningskerfis vísinda- og tæknisamfélagsins, menntunar og þróunar mannauðs ásamt menningar og skapandi greina. Rannís stuðlar að þróun þekkingarsamfélagsins í gegnum rekstur samkeppnissjóða, aðstoð og kynningu á alþjóðlegum sóknarfærum og samstarfsmöguleikum. Hlutverk Rannís er að veita faglega aðstoð og þjónustu við undirbúning og framkvæmd vísinda- og tæknistefnu Vísinda- og tækniráðs.
