Úthlutun úr Jafnréttissjóði Íslands fyrir árið 2019
Stjórn Jafnréttissjóðs Íslands hefur lokið úthlutun úr sjóðnum fyrir árið 2019, en umsóknarfrestur rann út 21. maí síðastliðinn.
Styrkveitingar voru kynntar miðvikudaginn, 19. júní á Björtulöftum í Hörpu, þar sem forsætisráðherra veitti styrkina við formlega athöfn og var myndin tekin við það tækifæri.
Markmið Jafnréttissjóðs er að styrkja verkefni og rannsóknir sem miða að því að efla jafnrétti kynjanna í íslensku samfélagi og á alþjóðavísu, en sjóðurinn var stofnaður í tilefni af 100 ára kosningaréttarafmæli íslenskra kvenna árið 2015.
Alls bárust 76 umsóknir í sjóðinn. Úthlutað var tæplega 91 milljón króna í styrki til 17 verkefna.
Eftirtalin verkefni hlutu styrk fyrir árið 2019*:
| Titill | Nafn | Veitt þús. kr. |
| Help-seeking for Trauma Healing among Icelandic Survivors of Gender-Based Violence | Karen Birna Þorvaldsdóttir | 6.000 |
| Upplifun karla sem beitt hafa ofbeldi í nánum samböndum | Rannveig Ágústa Guðjónsdóttir | 6.000 |
| Reynsla íslenskra kvenna af úrvinnslu og leiðum til eflingar eftir kynbundið ofbeldi | Hulda Sædís Bryngeirsdóttir | 6.000 |
| Immigrant Mothers' Pursuit of Higher Education: An Intersectional Analysis | Cynthia Trililani | 6.000 |
| Sexual Harassment and Violence in the Work Enviornment: A Nationwide Study Among Icelandic Women | Edda Björk Þórðardóttir | 5.000 |
| Árangur gegn alþjóðlegu bakslagi - þungunarrof á Íslandi og Írlandi | Silja Bára Ómarsdóttir | 9.000 |
| Ungar konur og íslenskar sjávarbyggðir: samfélagsáhrif og búsetuval | Gréta Bergrún Jóhannesdóttir | 6.000 |
| Kvenréttindafélag Íslands, Safnrit úr sögu kvennabaráttunnar á Íslandi | Kvenréttindafélag Íslands | 5.000 |
| Verðmat miska vegna kynferðislegrar áreitni og kynbundins ofbeldis | Tinna Laufey Ásgeirsdóttir | 9.000 |
| Kjör, lífskilyrði og staða innflytjendakvenna í láglaunastörfum á almennum og opinberum markaði | Mirra fræðslu- og rannsóknarsetur | 6.000 |
| Ásta Sigurðardóttir: málþing og greinasafn | Sigrún Margrét Guðmundsdóttir | 4.500 |
| Sjúkást | Stígamót | 9.000 |
| Kvennafrí og kvennaverkföll: Íslensk kvennahreyfing og alþjóðleg áhrif hennar | Valgerður Pálmadóttir | 5.500 |
| Kvennaráðgjöfin í samstarfi við Bjarmahlíð á Akureyri | Kvennaráðgjöfin | 1.200 |
| Bandamenn - Námskeið fyrir karla sem vilja beita sér í baráttunni gegn ofbeldi gegn konum | Stígamót,samtök kvenna | 4.000 |
| Kvennaathvarf fyrir konur með fjölþættan vanda - Faglegur undirbúningur | Samtök um kvennaathvarf | 1.800 |
| Hvernig á að spyrja um kyn? | Vaka Vésteinsdóttir | 900 |
| Samtals | 90.900 |
*Birt með fyrirvara um innsláttarvillur.
