Leiklistarráð auglýsir eftir umsóknum um styrki til starfsemi atvinnuleikhópa 2020-2021
Samkvæmt þingsályktun um sérstakt tímabundið fjárfestingaátak til að vinna gegn samdrætti í hagkerfinu í kjölfar heimsfaraldurs kórónuveiru verður styrkjum veitt til átaksverkefna á sviði lista og menningar fyrir almenning.
Alls verða 99 milljónum króna veitt til atvinnuleikhópa.
Skilyrði fyrir styrkveitingu eru:
- Verkefnið hefjist eigi síðar en 1. september 2020 og verði lokið fyrir 1. apríl 2021.
- Átaksverkefni styðji við fjölbreytta starfsemi á sviði lista og menningar með áherslu á sköpun og virka þátttöku listamanna í menningarlífi landsmanna.
- Verkefnið uppfylli grunnmarkmið fjárfestingarátaksins um að styðja við eftirspurn og atvinnu til skamms tíma með arðbærum verkefnum.
- Sýnt skal fram á gildi verkefnis og mikilvægi þess fyrir landsmenn.
- Styrkveiting er til undirbúnings, þróunar og framkvæmd verkefnis.
- Ítarlegar upplýsingar skal leggja fram um verkefnið auk tímaáætlunar.
- Ekki eru veittir styrkir til einstaklinga sem njóta listamannalauna í 6 mánuði eða meira árið 2020.
Umsóknarfrestur er til 8. maí 2020 til kl. 16.
Aðgangur að umsóknarkerfi Rannís ásamt lögum og reglum er að finna á vef sjóðsins. Nota þarf rafræn skilríki við umsóknina. Eingöngu verður tekið við rafrænum fylgigögnum.
