Umsóknarfrestur rennur út 4. mars í Erasmus+ Nám og þjálfun
Umsóknarfrestur í Erasmus+ Nám og þjálfun (Mobility) rennur út miðvikudaginn 4. mars nk. klukkan 11:00.
Stofnanir sem sinna menntun á öllum skólastigum geta sótt um ferða-, uppihalds- og námsstyrki fyrir nemendur og starfsfólk til að sinna námi, starfsnámi, kennslu eða starfsþjálfun í einu af þátttökulöndum Erasmus+. Mikilvægt að gera sér grein fyrir því að tækifæri til styrkja geta verið ólík á milli markhópa og skólastiga.
Þessi flokkur á við:
- Nemendur í starfsmenntun
- Nemendur á háskólastigi (nám og starfsnám á vinnustað)
- Þá sem starfa að menntun á öllum skólastigum (kennsla og starfsþjálfun).
Fyrirtæki sem sinna fræðslu og menntun geta einnig sótt um styrki í þessum flokki.
Nánari upplýsingar um markhópa og styrki fyrir mismunandi skólastig er hægt að nálgast á heimasíðu Erasmus+.
Við minnum einnig á að umsóknarfrestur um verkefni innan flokksins Samstarfsverkefni (Strategic Partnership) rennur út þriðjudaginn 31. mars nk. kl. 10:00
