Technopolis lýkur úttekt á Norska rannsóknaráðinu
Kristin Halvorsen, ráðherra þekkingarmála í Noregi, tók við úttektarskýrslu frá Technopolis Group þann 10. september 2012. Fram kemur í skýrslunni að Norska rannsóknarráðið hefur þróast í takt við tímann.
Niðurstaða matsins er almennt jákvæð þó að fram komi þörf á að bæta gæði rannsóknarstarfsins. Áhersla er á að auk þverfaglegar rannsóknir og að bera þurfi kennsl á þörf fyrir nýja þekkingu. Síðasta úttekt á Norska rannsóknaráðinu fór fram árið 2002 en síðan þá hefur verið stofnuð miðstöð um rannsóknarknúða nýsköpun og umhverfisvæna orku, uppbygging á rannsóknarinnviðum hefur átt sér stað auk þess sem áhersla á stórar rannsóknaráherslur hefur verið aukin.
Í úttektinni er bent á að rannsóknaráðið þurfi að vinna markvisst að breytingum en árangur í framtíðinni byggir á að hugsa á nýjan hátt, vinna að breytingum á rannsóknarkerfinu og að þróa þverfaglegar rannsóknir.
Helstu tillögur til Norska rannsóknaráðsins eru að:
- styrkja þekkingagrunn fyrir stenumótun í rannsóknum
- styrkja þverfaglegar rannsóknir
- þróa stuðningsaðgerðir sem fullnægja þörfum atvinnugreina og klasa
- þróa stofnanauppbyggingu m.a. með því að framkvæma reglulegar úttektir
- styrkja samráð um rannsóknir í ráðuneytunum
- vinna skipulega að alþjóðastarfi
Þetta starf kallar á aukið fjármagn til rannsóknarsjóða og betri samræmingu og yfirsýn hvað varðar rannsóknastefnu.