Stjórn Nýsköpunarsjóðs námsmanna hefur lokið úthlutun fyrir sumarið 2016. Nýsköpunarsjóði námsmanna bárust alls 254 umsóknir í ár fyrir 377 háskólanema. Umsóknarfrestur rann út 10. febrúar síðastliðinn. Alls var sótt um rúmlega 250 milljónir króna eða laun í 1074 mannmánuði.

Stjórn Rannsóknasjóðs hefur lokið við úthlutun til nýrra rannsókna­verkefna fyrir árið 2016. Alls barst 291 gild umsókn í Rannsókna­sjóð að þessu sinni og voru 72 þeirra styrktar eða 25% umsókna.

Rannís auglýsir eftir umsóknum um styrki úr Innviðasjóði, en hlutverk sjóðsins er að byggja upp rannsóknainnviði á Íslandi.

Þriðjudaginn 12. apríl nk. stendur Rannís fyrir heilsdags námskeiði um fjármál og uppgjörsreglur í Horizon 2020. Leiðbeinendur koma frá framkvæmdastjórn Evrópusambandsins, Carmen Madrigal frá Common Legal Support Service og Gheorghe Bancos, endurskoðandi frá Common Audit Service.

Umsóknarfrestur um styrki til evrópskra bókmenntaþýðinga rennur út 27. apríl 2016. Boðað er til kynningarfundar þann 6. apríl nk. að Borgartúni 30, 3. hæð kl. 9:00-10:00.

Alþjóðlega norður­skauts­vísindanefndin (IASC) samþykkti samhljóða á fundi sínum í Fairbanks í Alaska þ. 14. mars sl. boð frá Rannís um að skrifstofa nefndarinnar flytjist til Akureyrar frá Potsdam í Þýskalandi um næstu áramót. Ríkisstjórn Íslands ákvað um miðjan febrúar, að tillögu forsætisráðherra, að veita fjármagni til reksturs hennar til næstu 5 ára. 

Alþjóðadagur háskóla verður haldinn í Háskólanum í Reykjavík, stofu V206, föstudaginn 18. mars kl. 10:00 til 13:30 undir yfirskriftinni Stúdentar og alþjóðasamstarf - hindranir og hæfni. Að alþjóða­deginum standa Rannís og Lands­samtök íslenskra stúdenta (LÍS). 

Dagana 6. - 7. apríl nk. stendur Rannís fyrir tveimur hálfsdags námskeiðum í gerð umsókna fyrir Horizon 2020. Annars vegar almennt námskeið þar sem fjallað verður um hvernig eigi að skrifa góða styrkumsókn og hins vegar verður sértækara námskeið þar sem áhrifa­hluti (Impact) umsóknaskrifanna er tekinn sérstaklega fyrir. Leiðbeinandi er Dr. Sean McCarthy frá Hyperion Ltd. á Írlandi sem er einn eftirsóttasti ráðgjafinn á þessu sviði í Evrópu.

Gæðaráð íslenskra háskóla sem er skipað fimm erlendum sérfræðingum og starfar fyrir mennta- og menningar­málaráðu­neytið á grundvelli laga um háskóla nr. 63/2006, hefur í formi skýrslna lokið eftirfylgni með gæða­úttektum á Háskólanum á Bifröst og Háskólanum á Hólum. 

Rannís auglýsir eftir umsóknum um styrki úr Æskulýðssjóði. Umsóknarfrestur er til 15. mars 2016 kl. 17:00.

Mennta- og menningarmálaráðherra hefur skipað nýja stjórn Starfslaunasjóðs sjálfstætt starfandi fræðimanna, sbr. ákvæði 3. gr. reglugerðar nr. 25/2013 um sjóðinn.

Senn líður að næsta umsóknarfresti hjá Erasmus+ mennta- og æskulýðsáætlun ESB en umsóknarfrestur um fjölþjóðleg samstarfsverkefni (Strategic Partnership) er fimmtudaginn 31. mars 2016 klukkan 10:00 árdegis.