Íþróttanefnd bárust alls 132 umsóknir að upphæð rúmlega 149 m. kr. um styrki úr Íþróttasjóði vegna ársins 2016. Umsóknir voru 132 og fengu í heild 73 aðilar 15,5 milljónir.

Fimmtudaginn 28. janúar nk. munu fulltrúar evrópskra samstarfsáætlana og þjónustuskrifstofa kynna styrkja- og samstarfsmöguleika í Evrópusamstarfi. Kynningin verður haldin kl. 11:00-13:00 í Háskólanum í Reykjavík, í miðrými sem kallað er Sól, og kl. 14:30-16:30 í Háskóla Íslands, á Háskólatorgi.

Opnað hefur verið fyrir umsóknir hjá NOS-HS vegna styrkja til að halda vinnusmiðjur (workshops). Umsóknarfrestur er til 23. febrúar.

Stjórn Æskulýðssjóðs hefur úthlutað til fjögurra verkefna alls 1.800 þúsund króna í fjórðu úthlutun sjóðsins fyrir árið 2015. Alls bárust sjóðnum 12 umsóknir um styrk að upphæð rúmlega 20 milljónir króna.

Opnað hefur verið fyrir umsóknir um norræna sóknarstyrki í öryggisáætlun Horizon 2020 . Umsóknarfrestur er til 11. mars 2016. Styrkirnir falla undir  norræna rannsóknaráætlun umsamfélagslegt öryggi.

NORFACE hefur opnað fyrir umsóknir í nýja undiráætlun sem ber heitið Dynamics of Inequality Across the Life-course: structures and processes (DIAL).

Vefstofan verður haldin fimmtudaginn 21. janúar kl. 14-16. Markhópur: Skólar og fullorðinsfræðsla

Vakin er athygli á því að fjórða Norræna-kínverska norðurslóðaráðstefnan verður haldin við Norðurslóðamiðstöðina í Rovaniemi, Finnlandi, 6.-9. júní nk. Frestur til að senda inn ágrip að erindi á ráðstefnuna er 25. febrúar nk.

Nýsköpunarverðlaun forseta Íslands verða afhent við hátíðlega athöfn á Bessastöðum, þriðjudaginn 26. janúar nk. Verðlaunin eru veitt þeim námsmönnum sem hafa unnið framúrskarandi starf við úrlausn verkefnis sem styrkt var af Nýsköpunarsjóði námsmanna sl. sumar.

Mennta- og menningarmálaráðherra skipaði nú í janúar nýja stjórn Þróunarsjóðs námsgagna . Um er að ræða fimm manna stjórn sem skipuð er til fjögurra ára í senn.

Mennta- og menningarmálaráðherra hefur samþykkt tillögu leiklistarráðs um styrki til atvinnuleikhópa fyrir árið 2016. Alls bárust 94 umsóknir frá 82 atvinnuleikhópum. Úthlutað var 88,5 milljónum króna til 19 verkefna.

Marine Biotechnology ERA-net auglýsir eftir umsóknum á áherslusviðinu: Bioactive molecules from the marine environment – Biodiscovery. Frestur til að skila inn umsókn er til 16. mars 2016.

Úthlutunarnefndir listamannalauna hafa lokið störfum vegna úthlutana listamannalauna árið 2016. Þær starfa skv. lögum (57/2009) og reglugerð (834/2009) um listamannalaun, þar sem kveðið er á um að allar umsóknir fái sanngjarna umfjöllun.

Tafir hafa orðið á því að umsóknarferli fyrir styrki úr Vinnustaðanámssjóði hefjist en ástæðan er sú að um þessar mundir er unnið að breytingatillögum á verklags- og úthlutunarreglum fyrir sjóðinn. Markmið breytinganna er að lækka umsýslukostnað Vinnustaðanámssjóðs og að nýta þá fjármuni sem sparast í þágu styrkþega.

Námskeið í gerð Nordplus umsókna verður haldið miðvikudaginn 13. janúar nk. kl. 15:30-17:00  í húsakynnum Rannís, Borgartúni 30. Námskeiðið er ókeypis en nauðsynlegt er að skrá sig .

Föstudaginn 8. janúar verður haldinn kynningarfundur í húsakynnum Rannís um styrkjamöguleika innan menntahluta Erasmus+ og menningarhluta Creative Europe áætlananna. Aðgangur er öllum opinn en vinsamlegast skráið þátttöku .

Fimmtudaginn 14. janúar stendur Rannís í samvinnu við NordForsk fyrir kynningarfundi um nýja rannsóknaráætlun, Solving the Nordic Gender Paradox: Gender Gaps in the Research and Innovation Area.

NordForsk í samvinnu við Rannís og rannsóknarráðin í Finnlandi, Svíþjóð og Noregi auglýsa eftir umsóknum, fyrir Nordic Centres of Excellence, í nýja rannsóknaráætlun sem ber heitið Solving the Nordic Gender Paradox: Gender Gaps in the Research and Innovation Area.

Rannsóknaráætlun Evrópusambandsins, Horizon 2020, hefur veitt styrk upp á tæpar tuttugu milljónir evra til rannsókna og þróunar við jarðhitanýtingu á Reykjanesi og í suðurhluta Frakklands.