Rannís auglýsir eftir umsóknum um styrki til námskeiða í íslensku sem ekki eru hluti af almennu námi á grunn- eða framhaldsskólastigi. Mennta- og menningarmálaráðuneytið hefur úthlutað 120 milljónum króna í íslenskukennslu fyrir útlendinga fyrir árið 2016.

Rannís auglýsir eftir umsóknum um styrki til sumarnámskeiða Samstarfsnefndar um endurmenntun framhaldsskólakennara (SEF).

Þann 15. desember skrifaði Dr. Jón Guðnason, lektor við Tækni- og verkfræðideild Háskólans í Reykjavík, undir samning við Rannís vegna styrks úr Máltæknisjóði. Sigurður Björnsson, sviðsstjóri Rannsókna- og nýsköpunarsviðs, skrifaði undir fyrir hönd Rannís.

Þann 17. desember var tilkynnt um úthlutun til fjögurra rannsóknaverkefna í nýrri fimm ára Öndvegissetraáætlun Norræna rannsóknarsjóðsins um rannsóknir á norðurslóðum (NordForsk Nordic Centres of Excellence in Arctic Research).

Á fundi sínum 15. desember 2015 ákvað stjórn Tækniþróunarsjóðs að bjóða verkefnisstjórum eftirtalinna verkefna að ganga til samninga.

Fimmtudaginn 17. desember kl. 11-12, mun Sóley Morthens kynna styrkjaáætlun NordForsk um samfélagslegt öryggi. Kynningin verður haldin í Háskóla Íslands, Gimli 102.

NORFACE hefur sent út tilkynningu um að í janúar verði opnað fyrir umsóknir í nýja undiráætlun sem ber heitið Dynamics of Inequality Across the Life-course: structures and processes (DIAL).

Gæðaviðurkenningar menntaáætlunar Evrópusambandsins voru veittar við hátíðlega athöfn í Ásmundarsafni þann 10. desember. Tíu verkefni, sem hafa verið styrkt af áætluninni, hljóta viðurkenningarnar í ár. Verkefnin eiga það sammerkt að hafa sýnt fram á nýsköpun og nýbreytni í menntun, stuðlað að þátttöku fjölbreyttra hagsmunahópa í alþjóðasamstarfi og haft áhrif á skólastarf einstakra stofnana sem og víðtækari áhrif í skólasamfélaginu. 

Í síðustu úthlutun dreifingarstyrkja frá MEDIA áætluninni fengu tvær íslenskar kvikmyndir stóra styrki til sýninga í kvikmyndahúsum í Evrópu. Kvikmyndin Hrútar í leikstjórn Gríms Hákonarsonar fékk dreifingu til 25 landa að upphæð 445.400 evra og kvikmyndin Fúsi í leikstjórn Dags Kára fékk dreifingarstyrki til 21 lands að upphæð 348.100 evra.

Evrópska rannsóknaráðið birti nýverið tölur um skiptingu umsókna í styrkjaflokki sem ætlað er að aðstoða unga vísindamenn í Evrópu á fyrstu árum rannsóknaferilsins. Alls bárust 2.935 umsóknir sem er 0,5% aukning frá fyrra ári.

Nordplus, menntaáætlun Norrænu ráðherranefndarinnar, býður kennurum og öðrum sem starfa við menntamál að sækja um styrki í áætlunina. Heildarupphæð styrkja til úthlutunar er um 9 milljónir evra (tæplega 1,4 milljarður íslenskra króna). Umsóknarfrestur er 1. mars 2016.

Rannís býður þér til aðventuhátíðar fimmtudaginn 10. desember frá kl. 16:30 í Ásmundarsafni við Sigtún í tilefni af 10 ára afmæli eTwinning og Europass, þar sem veittar verða gæðaviðurkenningar fyrir framúrskarandi Evrópuverkefni.

Föstudaginn 11. desember stendur Rannís fyrir kynningarfundi um upplýsingastækniáætlun Horizon 2020 ( LEIT – Information and Communication Technologies). Fundurinn verður haldinn hjá Rannís, Borgartúni 30, fundarsalur á 6. hæð kl. 9:00-11:00.

Fjörutíu ný COST verkefni hafa verið samþykkt. Tilgangur COST verkefna er að byggja upp samstarfsnet rannsakenda í Evrópu á ákveðnum rannsóknasviðum. Þátttakendur í COST verkefnum skiptast á reynslu og niðurstöðum í gegnum fundi og ráðstefnur, vinnustofur og heimsóknir. 

Góður rómur var gerður að afmælisþingi sem Rannís stóð fyrir fimmtudaginn 26. nóvember sl. Gestum gafst kostur á að skyggnast inn í heim rannsókna, nýsköpunar, menntunar og menningar, rifja upp söguna og horfa til framtíðar í máli og myndum.

Miðvikudaginn 2. desember  kl. 14:00 – 16:00 verður kynning á einni af samstarfsáætlunum Evrópusambandsins, Umhverfi, loftslagsmál og auðlindir.  Kynningin verður í fundarsal á 6. hæð, Borgartúni 30.

NordForsk hefur sent út tilkynningu um opið kall eftir umsóknum í tengslum við áætlun um samfélagslegt öryggi. Opnað hefur verið fyrir umsókniren skilafrestur umsókna verður 15. mars 2016.

Mennta- og menningarmálaráðuneytið hefur að tillögu stjórnar úthlutað styrkjum til vinnustaðanáms fyrir haustið 2015.

Miðvikudaginn 18.nóvember nk. kl. 13:00 stendur Rannís fyrir kynningu í Háskólanum á Akureyri, á styrkjum sem stofnunin hefur umsýslu með. Annarsvegar verða styrkir Tækniþróunarsjóðs kynntir sem og skattfrádráttur til fyrirtækja vegna rannsókna- og þróunarverkefna. Hinsvegar verður boðið uppá almenna kynningu á Horizon2020 sem er rannsóknaráætlun Evrópusambandsins.

Miðvikudaginn 25. nóvember 2015 munu Menntamálastofnun og Rannís standa að fundi undir yfirskriftinni: Átak í starfsmenntun  - starfsgreinaráðin, skólarnir og stoðkerfið. Fundurinn verður haldinn í Hvammi, Grand hótel, Reykjavík.

Nýsköpunarmiðstöð Íslands, Íslandsstofa, Rannís, Hátækni- og sprotavettvangur, Samtök iðnaðarins og Nýsköpunarsjóður standa fyrir sameiginlegri ráðstefnu um frumkvöðla og fjármagn í tilefni European SME Week. Ráðstefnan verður haldin á Hilton Reykjavík Nordica, þann 24. nóvember kl. 9-12.

Nordforsk auglýsir eftir umsóknum í tveimur þrepum um norræn öndvegissetur innan norrænu áætlunarinnar um lífhagkerfið. Stefnt er að því að styrkja þrjú öndvegissetur um 90 milljónir norskra króna. Umsóknarfrestur fyrir fyrra þrepið er 16. mars 2016.

Fimmtudaginn 19. nóvember nk. stendur Rannís í samstarfi við Iceland Geothermal og GEORG fyrir kynningarfundi um nýja Orkuáætlun Horizon 2020. Farið verður yfir Horizon 2020 og þær rannsóknaáherslur sem finna má í nýrri áætlun fyrir árin 2016-2017. Einnig verða ný íslensk orkuverkefni kynnt sem fjármögnuð eru af áætluninni.

Stjórn Æskulýðssjóðs hefur úthlutað til níu verkefna rúmlega tveimur milljónum króna í þriðju úthlutun sjóðsins fyrir árið 2015. Alls bárust sjóðnum 41 umsókn um styrk að upphæð rúmlega 21 milljón.

Gæðaráð íslenskra háskóla býður til ráðstefnu um gæði í lykilþáttum háskólastarfs 10. nóv. nk. Ráðstefnan markar lok fyrstu umferðar rammaáætlunar um eflingu gæða á sviði háskólamenntunar á Íslandi. Einnig verða á ráðstefnunni kynnt drög sem nú eru í undirbúningi að næstu rammaáætlun.

Framkvæmdastjórn Evrópusambandsins hefur tilkynnt að umsóknarfrestur fyrir náms- og þjálfunarhluta (K-1) Erasmus+ verði 2. febrúar 2016. Umsóknarfrestur fyrir fjölþjóðleg samstarfsverkefni Erasmus+ (K-2) verður hins vegar 31. mars 2016.

Rannís auglýsir eftir styrkumsóknum úr tónlistarsjóði til verkefna sem efnt verður til á tímabilinu 1. janúar til 30. júní 2016.  Umsóknarfrestur rennur út 16. nóvember 2015 kl. 17:00.

Föstudaginn 30. október 2015 verður haldin ráðstefna á Grand Hótel Reykjavík kl. 08:30 – 13:00 þar sem meginumfjöllunarefnið er færni í þróun eigin starfsferils (Career Management Skills).

Málstofan „Arctic Freshwater Resource Dynamics and Socio-environmental Challenges under a Changing Climate” verður haldin laugardaginn 17. október nk. kl. 15:30-17:00 á alþjóðlegu ráðstefnunni Arctic Circle 2015 sem fram fer í Hörpu, Reykjavík.

Vegna allsherjaverkfalls SFR þá verður afgreiðsla Rannís lokuð frá og með fimmtudeginum 15. október til og  með þriðjudeginum 20. október. Viðskiptavinum stofnunarinnar er bent á að hægt er að hringja beint í starfsmenn Rannís. 

Símanúmer og netföng starfsmanna Rannís

Miðvikudaginn 21. október nk. stendur Rannís fyrir kynningarfundi undir yfirskriftinni Societal Challenges , Health, Demographic Change and Wellbeing um rannsóknaáherslur í heilbrigðisvísindum 2016-2017 í Horizon 2020. Aðgangur ókeypis en vinsamlegast skráið þáttttöku.

Rannís auglýsir eftir umsóknum um styrki úr Æskulýðssjóði. Umsóknarfrestur er til og með mánudeginum 2. nóvember 2015 kl. 17:00. 

Það var kátt á hjalla í Borgartúninu þriðjudaginn 6. október þegar forsvarsmenn nýrra Erasmus+ samstarfsverkefna í leik-, grunn- og framhaldsskólum mættu til að skrifa undir samninga við Landskrifstofu Erasmus+ á Íslandi. Styrkupphæðinni, rúmlega 300 þúsund evra var úthlutað til 13 skóla víðs vegar um land. 

Þriðjudaginn 27. október nk. stendur Rannís í samvinnu við ráðgjafahópinn Yellow Research fyrir vinnustofu um hvernig á að skrifa árangursríka umsókn í Innovative Training Networks (ITN) hluta Marie Curie áætlunarinnar.

Vakin er athygli á umsóknafrestum í verkefni sem styrkt eru af Uppbyggingarsjóði EES.  Íslendingar geta ekki sótt beint í sjóðinn heldur verða þeir að leita samstarfs við umsækjendur í viðkomandi landi.

Miðvikudaginn 11. nóvember stendur Rannís fyrir fræðslufundi um hugverkarétt í verkefnum sem styrkt eru af H2020, samstarfsáætlun Evrópusambandsins. Fundurinn verður haldinn á 6. hæð, Borgartúni 30, kl. 9:15-13.00.

Framkvæmdastjórn Evrópusambandsins auglýsir í þriðja sinn eftir umsóknum vegna EU Prize for Women Innovators. Markmiðið með þessum verðlaunum er styðja við konur í frumkvöðlastarfi og hvetja aðrar konur til að fylgja í fótspor þeirra.